Äzerbaijan Syrtqy ıster ministrlıgı (SIM) Armeniia astanasy Erevanda fakel şeruıne qatysuşylardyŋ Türkiia tuyn jaǧyp jıbergenın qataŋ aiyptady. Report agenttıgınıŋ habarlauynşa, osyǧan bailanysty SIM mälımdeme jasady, dep habarlaidy “Adyrna”.
Mälımdemede Armeniia ükımetı osyndai nauqandy uaqytynda toqtatyp, tiıstı qauıpsızdık şaralaryn qamtamasyz etuı kerek ekenı atap ötılgen, öitkenı mūndai äreketter etnikalyq jekköruşılıktıŋ körınısı bolmaq.
"Demokratiialyq normalar, jinalu jäne oi erkındıgı degen syltaumen mūndai qabyldanbaityn äreketterdı köz jūma qarau müldem qolaisyz. Būl ıs-äreketter revanşizm men etnikalyq jekköruşılıkke negızdelgen faşistık ideologiianyŋ aiqyn körınısı jäne halyqaralyq deŋgeide aiyptalyp, toqtatyluy tiıs", — delıngen mälımdemede.
Sonymen qatar, Armeniia bilıgınen būl oqiǧaǧa qatysy bar adamdardy jauapkerşılıkke tartudy sūrady.
Armeniia premer-ministrı Nikol Paşinian da būl ärekettı aiyptady.
«Premer-ministr Paşinian mūndai täjıribenı aiyptaidy. Ony jauapsyz qaldyruǧa bolmaidy. Halyqaralyq deŋgeide moiyndalǧan memlekettıŋ, äsırese körşıles eldıŋ tuyn jaǧu – anyq arandatuşylyq jäne şielenıstı küşeitetın äreket», – dedı premer-ministrdıŋ baspasöz hatşysy Nazeli Bagdasarian.
Aita ketsek, dästürlı fakel şeruı beisenbı keşınde Erevanda Osman imperiiasyndaǧy armian genosidı qūrbandaryn eske alu künıne orai bastalǧan. Qatysuşylar Respublika alaŋynda Türkiia tuyn örtegen.
XIX ǧasyrdyŋ soŋy – XX ǧasyrdyŋ basynda Osman imperiiasy armiandarǧa qarsy jüielı qudalau men qysym jasaǧan. Atap aitqanda, 1915 jyly keibır tarihşylardyŋ mälımetınşe, 1,5 millionnan astam armian qaza tapqan. Osman imperiiasyndaǧy armian genosidı faktısın 23 memleket, sondai-aq europarlament pen düniejüzılık şırkeuler keŋesı moiyndaǧan.
