2026 jylǧy 2 mamyrda Jetısu oblysynda köktemnıŋ eŋ äserlı tabiǧi oqiǧalarynyŋ bırı – «Sivers alma aǧaşynyŋ güldenuı» festivalı ötedı. Būl – sirek kezdesetın erekşe tabiǧi qūbylysqa arnalǧan maŋyzdy şara.
Is-şara «Joŋǧar-Alatau» memlekettık ūlttyq tabiǧi parkınıŋ aumaǧynda, Sarqan audany Topolevka auylynyŋ körkem maŋynda ūiymdastyrylady. Būl oryn kezdeisoq taŋdalǧan joq: däl osy jerde jer şaryndaǧy Sivers jabaiy almasynyŋ eŋ ırı toǧailary ornalasqan. Ol – jer betındegı barlyq mädeni alma sorttarynyŋ arǧy tegı.
Ǧalymdardyŋ baǧalauynşa, osy bıregei almanyŋ älemdık tabiǧi qorynyŋ şamamen 48%-y Jetısu öŋırınde şoǧyrlanǧan.
Jylyna bır-aq ret, köktemnıŋ bırneşe aptasy ışınde tau betkeilerı näzık aq jäne qyzǧylt gülge oranyp, alqaptardy naǧyz körkem tabiǧi körınıske ainaldyrady. Osy kezeŋde myŋdaǧan turister, fotograftar men saiahatşylar öŋırge kelıp, sirek tabiǧi qūbylysty tamaşalap, onyŋ tarihymen tanysyp, festival atmosferasyn sezınedı.
Festival turizm salasynyŋ ökılderın, ekologtardy, ǧalymdardy, BAQ ökılderın, trevel-blogerlerdı, qolönerşılerdı, mädeniet qairatkerlerın, sondai-aq studentter men tabiǧat süier qauymdy bırıktıredı. Būl şara ekoturizmdı damytuǧa, tabiǧi mūrany saqtauǧa jäne öŋırdı halyqaralyq deŋgeide tanytuǧa arnalǧan alaŋ bolmaq.
Is-şara Qazaqstannyŋ respublikalyq ıs-şaralar küntızbesıne engızılgen, būl onyŋ maŋyzdylyǧy men turistık tartymdylyǧyn aiqyndaidy.
Biylǧy festival qonaqtary üşın erekşe atmosfera ūsynylady.
Hedlainerler – Bayansulu jäne Quandyq Rahym sahnaǧa şyǧyp, güldegen taular aiasynda jarqyn konserttık baǧdarlama ūsynady.
Festival baǧdarlamasy:
• Sivers almasynyŋ güldegen bau-baqşalarynyŋ panoramalyq körınısterı;
• Plein air formatyndaǧy suretşıler baiqauy;
• Mädeni ıs-şaralar;
• Ūlttyq sport oiyndary;
• Qolöner körmelerı jäne şeberlık sabaqtary;
• Konserttık jäne oiyn-sauyq baǧdarlamalar.
«Sivers almasynyŋ güldenuı» festivalı – Qazaqstannyŋ eŋ äsem tabiǧi qūbylystarynyŋ bırın tamaşalap, taular men taza aua aiasynda ötkızuge, ūlttyq mädenietpen jaqynyraq tanysuǧa jäne ūmytylmas äser aluǧa mümkındık beredı.
