Aqtöbe oblysynda ūşqyşsyz ūşu apparaty qūlady. Būl turaly äleumettık jelı qoldanuşylary jazdy, dep habarlaidy "Adyrna" tılşısı.
Habarlamaǧa säikes, jergılıktı tūrǧyndar şamamen saǧat 8:30 şamasynda qatty dybysty estıgen. Keiın Reseimen şekaraǧa jaqyn ornalasqan Älımbet auyly maŋynda tütın köterılgen.
Aqtöbe oblysy polisiia departamentınıŋ baspasöz qyzmetı oqiǧaǧa qatysty tüsınıkteme berdı.
«Qarǧaly audanynda ūşqyşsyz ūşu apparatynyŋ synyqtaryna ūqsas zattardyŋ tabylu deregı boiynşa tekseru şaralaryn jürgızude. Nysan eldı meken aumaǧynan tys jerden anyqtaldy. Oqiǧanyŋ barlyq män-jaiy anyqtalyp jatyr», – delıngen habarlamada.
Būl elımızde ūşqyşsyz apparattardyŋ qūlauyna qatysty alǧaşqy jaǧdai emes. 2025 jylǧy aqpanda Batys Qazaqstan oblysy Bökeiorda audanynyŋ Ūialy auyly aumaǧynan belgısız ūşu nysany tabylǧan. 2025 jylǧy 23 qazanda Batys Qazaqstan oblysy Börlı audanynda ūşqyşsyz ūşu apparatynyŋ jarylǧany turaly habarlanǧan. Al 2026 jylǧy 26 nauryzda Batys Qazaqstan oblysynda taǧy bır ūşqyşsyz apparat tabylǧany aityldy. Qorǧanys ministrlıgı ärbır jaǧdai boiynşa tekseru jürgızıletının mälımdegen.
