«Kömır generasiiasyn damytu» ūlttyq jobasy aiasynda energetika salasynyŋ kadrlyq tūraqtylyǧyn qamtamasyz etuge erekşe nazar audarylady.
Jaŋa elektr stansiialaryn salu jäne qoldanystaǧy generasiialauşy quattardy jaŋǧyrtu jobalaryn ıske asyru energetika salasynyŋ kadrlyq äleuetın jüielı türde nyǧaitudy talap etedı. Qazırgı uaqytta generasiia sektorynda bırqatar qūrylymdyq mäseleler baiqalady, onyŋ ışınde qyzmetkerlerdıŋ ortaşa jasynyŋ joǧary boluy, bılıktı mamandar tapşylyǧy jäne zamanaui sifrlyq tehnologiialar men avtomattandyru salasynda qūzyretterı bar jas mamandardyŋ jetkılıksız keluı bar.
Osyǧan bailanysty kadrlyq resurstardy damytuǧa baǧyttalǧan keşendı şaralar qarastyrylǧan. Negızgı baǧyttardyŋ bırı — kadrlardy daiarlau jäne olardyŋ bılıktılıgın arttyru jüiesın jetıldıru. Energetika käsıporyndarynyŋ qyzmetkerlerın qaita daiarlau jäne oqytu baǧdarlamalaryn keŋeitu josparlanuda, onyŋ ışınde zamanaui basqaru jüielerımen jūmys ısteu, sifrlyq tehnologiialar, önerkäsıptık qauıpsızdık jäne ekologiialyq standarttar boiynşa bılım beru közdelgen.
Sonymen qatar energetika salasynyŋ tartymdylyǧyn arttyru boiynşa jūmys küşeitıledı. Atap aitqanda, eŋbek jaǧdailaryn jaqsartu jäne qyzmetkerlerdıŋ äleumettık paketın damytu boiynşa şaralar qarastyrylǧan.
Qyzmetkerlerdı tūrǧyn üimen qamtamasyz etu mäselesıne erekşe köŋıl bölınedı. Energetika käsıporyndarynyŋ qyzmetkerlerın baspanamen qamtu üşın jūmys beruşılerdıŋ qatysuyn közdeitın «Otbasy bank» AQ-nyŋ «Korporativtık» baǧdarlamasy negızınde jeŋıldetılgen nesieleu tetıkterın paidalana otyryp, korporativtık tūrǧyn üi baǧdarlamalaryn engızu josparlanuda.
Atalǧan şaralardy ıske asyru jas mamandardy tartuǧa, kadrlardyŋ bılıktılık deŋgeiın arttyruǧa jäne jaŋa ärı jaŋǧyrtylǧan energetikalyq quattardy tiımdı paidalanuǧa qajettı tūraqty kadrlyq bazany qalyptastyruǧa mümkındık beredı.
