1 mamyr künı taŋerteŋ memleket basşysy Qasym-Jomart Toqaev Qazaqstan halqynyŋ bırlıgı merekesımen qūttyqtady, dep habarlaidy "Adyrna".
Prezidenttıŋ aituynşa, būl – qoǧamymyzdyŋ myzǧymas qūndylyqtaryn paş etetın qasterlı meiram. Bırlık künı halqymyzdyŋ tılektestıgı men auyzbırşılıgı, özara syilastyǧy men qūrmetı, otanşyldyǧy men perzenttık süiıspenşılıgı keŋınen därıpteledı.
Kezınde taǧdyrdyŋ jazuymen elımızde tūraqtaǧan türlı etnos ökılderı Qazaqstan atty kielı Şaŋyraqtyŋ astynda bır üidıŋ balasyndai tatu-tättı ömır sürıp jatyr. Būl – bärımızge ortaq igılık.
Dana halqymyz "Tatulyq – tausylmas baqyt" dep beker aitpaǧan. Bız – beibıt zamannyŋ qadırın bıletın, ainalasyna janaşyrlyqpen qaraityn, ärdaiym kömek qolyn sozuǧa daiyn tūratyn elmız. Būl – bırtūtas ūltymyzdyŋ bolmysyna tän qasiet. Bız osy bıregei dästürdı közdıŋ qaraşyǧyndai saqtap qaluymyz kerek.
“Bızdıŋ közqarasymyz ärtürlı bolǧanymen, tılegımız – bır. "Bırlıgımız – äraluandyqta" formulasy memlekettık saiasat pen azamattarymyzdyŋ kündelıktı ömırınıŋ özegıne ainaldy”, - dedı Qasym-Jomart Toqaev.
Sondyqtan bız bırlık, yntymaq, etnosaralyq jäne konfessiiaaralyq tatulyq qaǧidattaryn jaŋa Konstitusiianyŋ preambulasynda naqty körsettık.
Būl – Qazaqstan halqynyŋ sanaly türde jasaǧan taŋdauy. Sebebı azamattarymyz barşaǧa bırdei qūqyqtar men mümkındıkter beretın elde, ädıl, tūraqty jäne baquatty qoǧamda tūrudy qalaidy.
"Zaŋ men tärtıp" tūjyrymdamasy elımızdegı auqymdy jaŋǧyru üderısınıŋ arqauy retınde osy biık maqsatqa jetuımızge kepıl bolmaq.
"Bızdıŋ tarihymyz, bügınımız jäne bolaşaǧymyz – bır. Būl –Qazaqstan halqynyŋ sarqylmas küş-quaty men otanşyldyq ruhynyŋ aiqyn körınısı. Bız bärımız bır el bolyp jūmylyp, ösıp-örkendeu jolynda biık belesterdı baǧyndyra beretınımızge kämıl senemın. Qymbatty otandastar, barşaŋyzǧa zor densaulyq, amandyq jäne baq-bereke tıleimın!", - dedı Memleket basşysy.
