Qytai Hunan provinsiiasynda ornalasqan feierverk öndıretın zauyttaǧy jarylys saldarynan qaza tapqandar sany 26 adamǧa jettı, dep habarlaidy "Adyrna" ūlttyq portaly jergılıktı BAQ-qa sıltep.
Mälımetke säikes, Chanşa qalasynyŋ merı Chen Bochjan baspasöz konferensiiasynda jaraqat alǧandar sany 61 adam ekenın mälımdedı.
Aita keteiık, jarylys düisenbı künı «Huaşen» kompaniiasyna tiesılı zauytta bolǧan. Būǧan deiın qaza tapqandar sany 21 adam ekenı habarlanǧan. Tötenşe jaǧdai Liuian qalasynda tırkeldı. Oqiǧa ornyna bes qūtqaru brigadasy jūmyldyrylyp, jalpy 482 adam apat saldaryn joiu jūmystaryna tartylǧan.
Aldyn ala mälımetter boiynşa, quatty jarylys tolqyny 300–400 metr radiustaǧy ǧimarattarǧa zaqym keltırgen. Qazırgı uaqytta oqiǧanyŋ sebepterı anyqtalyp jatyr.
