Memleket basşysynyŋ Jarlyǧymen Roman Skliar Qazaqstan Respublikasy Prezidentı Äkımşılıgınıŋ basşysy bolyp taǧaiyndaldy, dep habarlaidy "Adyrna" ūlttyq portaly.
Roman Skliar 1971 jyly 8 mamyrda Pavlodar qalasynda düniege kelgen. Ekonomist jäne zaŋtanu mamandyqtary boiynşa Mäskeu zamanaui biznes instituty men Qazaq qūqyqtanu jäne halyqaralyq bailanys institutyn bıtırgen.
1989-1990 jyldar aralyǧynda «Ekıbastūzkömıravtomatika» montajdau-jöndeu basqarmasynyŋ montajşy-slesary, «Kazpromtehmontaj» öndırıstık-montajdau basqarmasynyŋ Ekıbastūz qūrylys basqarmasynyŋ montajşysy bolyp jūmys ıstegen. 1990-2002 jyldary kommersiialyq qūrylymdarda eŋbek etken. 2002-2003 jyldary QR Qarjy ministrlıgınıŋ öteuge şamasy kelmeitın qaryzdarymen jūmys jönındegı komitettıŋ Pavlodar oblysy boiynşa basqarmasynyŋ bölım bastyǧy qyzmetın atqarǧan. 2003-2005 jyldary Pavlodar qalasy boiynşa memlekettık satyp alu basqarma bastyǧy, Pavlodar qalasy äkımınıŋ orynbasary. 2005-2006 jyldary Pavlodar qalasy äkımı apparatynyŋ basşysy, äkım orynbasary. 2006-2007 jyldary Astana qalasynyŋ äkımı apparatynyŋ infraqūrylymdy damytu bölımınıŋ meŋgeruşısı. 2007-2008 jyldary Astana qalasynyŋ Energetika jäne kommunaldyq şaruaşylyq departamentınıŋ direktory. 2008-2010 jyldary Pavlodar oblysy äkımınıŋ orynbasary. 2010 jylǧy qazannan bastap 2011 jylǧy mamyrǧa deiın Pavlodar oblysy äkımınıŋ bırınşı orynbasary bolyp eŋbek etken. 2011-2013 jyldary Qazaqstan Respublikasy kölık jäne kommunikasiia vise-ministrı.
2014-2016 jyldary «Qazaqstan temır joly» AQ vise-prezidentı. 2016 jyly QR Parlamentı Mäjılısınıŋ VI şaqyrylymynda «Nūr Otan» partiiasynan deputat bolyp sailandy. Ekonomikalyq reforma jäne öŋırlık damu komitetınıŋ töraǧasy boldy. Sol jylǧy mamyrda QR ekonomika vise-ministrı qyzmetıne taǧaiyndaldy. 2017-2019 jyldary QR investisiialar jäne damu bırınşı vise-ministrı.
2019 jylǧy aqpannan berı QR İndustriia jäne infraqūrylymdyq damu ministrı qyzmetın, Qazaqstan Respublikasy Premer-Ministrınıŋ orynbasary qyzmetterın atqardy.
«Qūrmet» ordenımen, «Qazaqstan Respublikasynyŋ Täuelsızdıgıne 20 jyl», «Astanaǧa 10 jyl» mereitoilyq medaldarymen marapattalǧan.
Aita keteiık, būǧan deiın Prezident Jarlyǧymen Aibek Dädebai Prezident Äkımşılıgınıŋ basşysy qyzmetınen bosatylǧan.
