Memleket basşysy Qasym-Jomart Toqaev «Alatau qalasynyŋ arnauly qūqyqtyq rejimı turaly» konstitusiialyq zaŋǧa qol qoidy. Būl turaly Aqorda jariialady, dep habarlaidy "Adyrna".
Resmi mälımette qūjattyŋ «negızgı maqsaty – Alatau qalasynyŋ qarqyndy ärı ornyqty damuy üşın jaǧdai jasau» dep körsetılgen.
Qala erekşe qūqyqtyq märtebege ie. Bilık ony ekonomikalyq ösım üşın qolaily orta qūruǧa baǧyttalǧan derbes ekojüiege ainaldyrǧysy keledı.
Zaŋǧa säikes, qalany memlekettık basqarudyŋ jaŋa modelı engızıldı. Atap aitqanda, käsıpkerlık, keden ısı, sifrlyq aktivter, qūmar oiyndary, äleumettık sala, qarjy naryǧy, arhitektura men qala qūrylysy, ekologiia ärı qorşaǧan ortany qorǧau, mädeniet, sport jäne taǧy basqa salalardy retteudıŋ negızgı qaǧidalary belgılendı.
«Alatau rezidentı» qūqyqtyq märtebesı bekıtıldı. Arnauly märtebenı äkımşılık bırqatar sanat boiynşa jeke jäne zaŋdy tūlǧalarǧa beredı. Arnaiy rejimnıŋ qoldanylu kölemı men tiıstı qūqyqtar, mındetter men talaptar osy rezident märtebesıne qarai anyqtalady.
Şahardyŋ ūzaq merzımdı investisiialyq jäne tehnologiialyq örkendeuı strategiialyq qūjattar negızınde qamtamasyz etıledı. Naqty aitqanda, Alatau qalasynyŋ ūzaq merzımdı damu jospary, strategiiasy qabyldanady.
Alatau qalasynyŋ infraqūrylym nysandary men qoǧamdyq qauıpsızdıktı qamtamasyz etu jüielerınıŋ barlyq deregı bıryŋǧai sifrlyq basqaru platformasyna bırıktırıledı.
Sonymen qatar qalanyŋ investisiialyq klimaty men investorlarǧa berıletın kepıldıkterı, salyq-biudjet saiasaty, dizainy men jer qatynastary osy zaŋ aiasynda retteledı.
Konstitusiialyq zaŋ mätını baspasözde jariialanady.
