Mūrat Ergeşbaevtyŋ Mäjılıs deputaty retındegı ökılettıgı merzımınen būryn toqtatyldy, dep habarlaidy «Adyrna» tılşısı
Onyŋ deputattyq ökılettıgın toqtatu turaly şeşım juyrda Qyzylorda oblysynyŋ äkımı bolyp taǧaiyndaluyna bailanysty qabyldandy. Būl mäsele bügın, 13 mamyrda Mäjılıs otyrysynda qaraldy.
Öz kezegınde Ergeşbaev Mäjılıstegı ärıptesterıne bırlesken jūmysy üşın rizaşylyǧyn bıldırdı.
«Parlament qabyrǧasyndaǧy üş jyldyq jūmys barysynda ärıptesterımmen bırge adal eŋbek etıp, zaŋdardy qabyldap, talqyladyq. Zaŋ şyǧaru ısınıŋ damuyna menıŋ de az da bolsa maŋyzdy ülesım bar dep oilaimyn. Osy jerde ülken täjıribe jinaqtadym jäne sony maqtan tūtamyn», – dedı ol.
Ūqsas jaŋalyqtar
