«Respublica» partiiasynyŋ töraǧasy Aidarbek Qojanazarov Mäjılıs kuluarynda Djeki Chanqatysatyn «Qūdai sauyty» filmınıŋ Qazaqstanda ötetın tüsırılımı turaly aitty. Onyŋ sözınşe, filmge 50 million dollar jūmsalady, dep habarlaidy «Adyrna» tılşısı Kursivke sılteme jasap.
Qojanazarovnyŋ aituynşa, būl qarajattyŋ bır bölıgı qazaqstandyq tüsırılım tobynyŋ jalaqysyna, ǧimarattardy jalǧa aluǧa, otandyq akterlerge, sondai-aq qonaqüi, transfer qyzmetterıne jūmsalady.
Deputat Djeki Channyŋ Qazaqstanda taǧy ekı qosymşa film tüsırudı josparlap otyrǧanyn da jetkızdı. Onyŋ sözınşe, köptegen şeteldık prodiuser Qazaqstandy film tüsıruge qolaily alaŋ retınde qarastyrady. Sebebı elde tabiǧaty körkem lokasiialar köp ärı qajettı infraqūrylym bar.
«Gollivudpen salystyrǧanda bızde film tüsıru 10 ese arzan, al Qytaimen salystyrǧanda bes ese arzan», — dedı mäjılısmen.
Sondai-aq ol Dala Stage tüsırılım pavilonynyŋ Qaskeleŋde ornalasuy ülken artyqşylyq ekenın aitty. Sonyŋ arqasynda film öndırısı Almaty nemese Astanada tüsırılgennen ekı ese arzanǧa tüsedı.
«Qatelespesem, olar Djeki Channyŋ qai jerde tūratynyn da anyqtap qoiǧan», — dedı töraǧa.
Söz soŋynda deputat film Qazaqstannyŋ köptegen öŋırınde tüsırıletının, alaida negızgı baza Qaskeleŋde ornalasatynyn atap öttı.
