Saiasatker Ǧalymjan Jaqiianov qoǧam qairatkerı Tölen Toqtasynovtyŋ mälımdemesıne qatysty jauap berdı. "2023 jyldyŋ 2 qaŋtarynda “Adyrna” ūlttyq portaly özınıŋ iutub kanalynda Tölen Toqtasynovpen sūhbat jariialady. Sūhbatta maǧan jalǧan jäne negızsız aiyp taǧylǧandyqtan, köpşılıkke tüsındıru üşın osy aqparatty aituǧa tura kelıp tūr", - dedı Ǧalymjan Jaqiianov. "Adyrna" ūlttyq portaly nazarlaryŋyzǧa Ǧalymjan Jaqiianovtyŋ mälımdemesın ūsynady.
- Köptegen jyldar boiy Tölen menıŋ dosym bolumen qatar, men saiasi repressiiaǧa ūşyrap, bas bostandyǧymnan airylǧanda maǧan orasan zor kömek körsetken serıktesım boldy. Būl üşın men oǧan şeksız rizamyn. Degenmen, däl qazırgı jaǧdaida men öz bedelımdı sol erteden kele jatqan dosymnan qorǧauǧa mäjbürmın. Eŋ aldymen, Almaty qalasy Medeu audandyq sotynda Toqtasynovqa qarsy kreditorlar qozǧaǧan azamattyq ıste men talapker de, jauapker de emes ekenımdı basa aitqym keledı. Men būl proseste bas qūqyǧy jäne jeke müddesı zardap şekken üşınşı tūlǧamyn. Al endı faktılerge kelsek. 2007 jyldardan bastap, Toqtasynov bızdıŋ ortaq tanystarymyzdan bırneşe ret qomaqty mölşerde qaryzǧa aqşa alǧan, al mūnyŋ bärı maǧan bıraz uaqyttan soŋ ǧana belgılı boldy. Uaqytynda qaitarmaǧannan nemese qaitarǧysy kelmegennen be, ol barlyq jauapkerşılıktı aksionerler kelısımın almastan, ALGT ltd kompaniiasyna audarǧysy keldı. 2019 jyly qarjylyq mındetteme ainalasyndaǧy kikıljıŋnen keiın Toqtasynovtyŋ jobadan şyǧuy jaily mäsele qozǧaldy. Kompaniianyŋ ışkı män-jaiy men qaryzdary turaly berılgen mälımet rastalǧan jaǧdaida, ol alatyn soma aldyn ala anyqtaldy. Sol somanyŋ şamamen üşten bırın uaqytynda aldy. Bıraq, kelesı tölemder toqtatyldy. Sebebı, aldymen ışkı, keiın syrtqy täuelsız audit jasap tekseru barysynda (2022 jyldyŋ bırınşı jartysynda jasaldy) Toqtasynov eleulı qarjylyq bylyqtar men alaiaqtyq jasaǧany anyqtaldy. Alaida, ol özınıŋ qarjylyq manipuliasiiasyna eşqandai tüsındırme bergen joq. Menıŋ de, oǧan aqşa bergenderdıŋ de mäselenı özara beibıt jolmen şeşuge tyrysqan äreketımızden tük şyqpady. Tıptı, qaryzdy qaitara alatyn mümkındıgı bola tūryp, qaitarudan bas tartty. Tuyndaǧan sūraqtarǧa jauap berudıŋ ornyna, Toqtasynov maǧan şantaj jasap, qorqyta bastady. Menen aqşa almaǧan jaǧdaida, būqaralyq aqparat qūraldary arqyly menıŋ qoǧamdyq bedelıme nūqsan keltıretının auyzşa da, jazbaşa da aita bastady. Maǧan qarsy arandatuda qazaqstandyq bilıktıŋ qoldauyna ie bolǧanyn da jetkızdı, bıraq men onyŋ bopsalauyn üzıldı-kesıldı qabyldamadym. Bas tarttym. Nätijesınde, osydan alty ai būryn Toqtasynov maǧan qarsy Moŋǧoliianyŋ saqşy oryndaryna aryz berdı. Alaida, barlyq jaǧdai men qūjattardy jan-jaqty tekseruden soŋ menıŋ tarapymnan eşqandai qylmys ne zaŋ būzuşylyq bolmaǧany mälım boldy. Qylmys qūramy joq bolǧandyqtan ıs aşylmady. Barlyq jaǧdai men qūjattardy teksergennen keiın, kerısınşe, Moŋǧoliianyŋ tergeu komitetı men prokuraturasy ALGT ltd būrynǧy atqaruşy direktor retınde Toqtasynovtyŋ özın alaiaqtyq pen qūjattardy qoldan jasaǧany üşın jauapqa tartuǧa şeşım qabyldady. Özı tapsyrǧan aqparat jäne menıŋ ötınışım negızınde Moŋǧoliia qylmystyq kodeksınıŋ 17.3-babyna säikes oǧan özıne qarsy qylmystyq ıs qozǧaldy. Tergeuşıge bergen uädesıne qaramastan jäne zaŋdy būza otyryp, Toqtasynov 2022 jylǧy 10 qazanda Moŋǧoliiadan ketıp qaldy, qazırgı uaqytta oǧan halyqaralyq ızdeu jariialanǧan. Joǧaryda berılgen mälımet pen barlyq jaǧdai Medeu audandyq sotyna naqty qūjatpen ūsynylǧan. Qorytyndylai kele mynany aitqym keledı. Tölen Toqtasynov özınıŋ jeke basyndaǧy qaryzdary men qarjylyq boryştarynan şatasyp, jauapkerşılıgın moiyndaǧysy kelmei, menı auyr qylmys jasady dep aiyptap, maǧan aşyq jala jabuǧa kırıstı. Mūndai jalasyna könetın nietım joq. Maǧan qarsy ūiymdastyrylyp jatqan arandatularda Toqtasynovtyŋ basty röldı oinauy öz şeşımı me, älde bıreulerdıŋ aidap saluy ma, äzırşe anyq aita almaimyn. Barlyǧy jaqyn arada äşkerlenedı dep oilaimyn jäne soǧan senemın. Sondai-aq, bızdıŋ ıskerlık jäne jeke qarym-qatynasymyzdyŋ qoǧamdyq talqylaudyŋ taqyrybyna ainalǧanyna ökınış bıldıremın. 3 Qaŋtar 2023 jyl."Adyrna" ūlttyq portaly erkın közqaras pen aşyq pıkırdıŋ ortaq alaŋy. Redaksiia qos tarapty jauyqtyrudy emes, tek sauatty diskussiia negızınde qoǧamdyq pıkır qalyptastyrudy közdeidı.
"Adyrna" ūlttyq portaly
Ūqsas jaŋalyqtar
