İzrail premer-ministrı Biniamin Netaniahu Bırıkken Arab Ämırlıkterıne jasyryn saparmen baryp, el prezidentı Mūhammed bin Zaid Äl Nahaianmen kezdestı. Būl turaly İzrail premerınıŋ kanseliariiasy X platformasynda jazdy, dep habarlaidy «Adyrna» tılşısı.
Särsenbı künı keşke jariialanǧan habarlamada būl kezdesudıŋ ekı el qatynasyna «tarihi serpılıs» äkelgenı aitylǧan. Reuters deregıne säikes, Netaniahu men BAÄ prezidentınıŋ kezdesuı Oman şekarasyna jaqyn ornalasqan El-Ain qalasynda bırneşe saǧatqa sozylǧan.
Alaida köp ūzamai BAÄ Syrtqy ıster ministrlıgı būl aqparattyŋ şyndyqqa säikes kelmeitının mälımdedı.
«BAÄ men İzrail qarym-qatynasy aşyq türde, belgılı jäne resmi türde bekıtılgen Avraam kelısımderı negızınde jüzege asady jäne qūpiia nemese beiresmi kelısımderge negızdelmegen. Sondyqtan resmi türde rastalmaǧan jasyryn saparlar nemese kelısımder turaly kez kelgen mälımdeme müldem negızsız», — delıngen habarlamada.
Aita keteiık, İzrail men AQŞ İranǧa qarsy jürgızıp jatqan soǧys barysynda irandyq äsker bırneşe ret BAÄ aumaǧyna soqqy jasaǧan. Tegeran sonymen qatar būl eldı AQŞ jäne İzrailmen tyǧyz bailanysy üşın ünemı synǧa alyp kelgen edı.
