Oral qalasynda qaŋǧybas januarlardy aulauǧa arnalǧan memlekettık kelısımşarttyŋ et öŋdeumen ainalysatyn kompaniiaǧa berıluı qoǧamda qyzu talqylana bastady. Būl jaǧdai januarlardy qorǧauşylar men qala tūrǧyndarynyŋ alaŋdauşylyǧyn küşeittı, dep habarlaidy “Adyrna”.
CMN.KZ mälımetınşe, «Örken» JŞS jyl soŋyna deiın ekı myŋǧa juyq qaŋǧybas januardy aulau boiynşa 9,4 million teŋgege juyq kelısımşartty jeŋıp alǧan. Tırkeu derekterıne säikes, kompaniia qyzmetınıŋ türlerı qatarynda «ettı öŋdeu jäne konservıleu», sondai-aq tehnikalyq synaqtar men taldaular jürgızu körsetılgen.
Būl jaǧdai januarlardy qorǧauşylar men qala tūrǧyndarynyŋ alaŋdauşylyǧyn tuǧyzdy.
Qoǧam nazaryn audarǧan taǧy bır jait — kompaniia qūryltaişysy Asyljan Hairetdinovtıŋ Qazaqstan Auyl şaruaşylyǧy ministrlıgı Veterinariialyq baqylau komitetıne qarasty Respublikalyq epizootiiaǧa qarsy jasaq filialyn basqaruy boldy.
Oral äkımdıgınıŋ tüsındıruınşe, memlekettık satyp alu baǧa ūsynystaryn sūratu täsılı arqyly ötkızılgen. Baiqauda bır januardy aulau qyzmetın 5 myŋ teŋgege ūsynǧan kompaniia jeŋımpaz atanǧan. Sonymen qatar konkurs talaptarynda qaŋǧybas januarlarmen jūmys ısteu täjıribesınıŋ boluy mındettı şart retınde qarastyrylmaǧan.
Qala bilıgınıŋ mälımetınşe, Oralda qaŋǧybas itter mäselesı älı de özektı küiınde qalyp otyr. Tek ötken jyldyŋ özınde januarlardyŋ şabuylynan üş myŋǧa juyq adam zardap şekken.
Äkımdık ökılderı merdıger januarlarǧa jauapkerşılıkpen qarau turaly zaŋ talaptaryn saqtauǧa mındettı ekenın mälımdedı. Sondai-aq januarlardy aulau men qajet bolǧan jaǧdaida evtanaziia jasau gumandyq ädıstermen jäne tapsyrys beruşınıŋ baqylauymen jürgızıluı tiıs ekenın atap öttı.
Osy jaǧdai aiasynda Qazaqstanda januarlarǧa qatysty zaŋnamany qataŋdatu mäselesı töŋıregındegı pıkırtalastar jalǧasuda. Būǧan deiın el Senaty januarlardy ūstalǧannan keiın bes kün ışınde mındettı türde ūiyqtatudy qarastyratyn tüzetulerdı qabyldamai, zaŋ jobasyn qaita qarauǧa jıbergen bolatyn.
