2026 jylǧy 22 mamyrda Almaty qalasynda Bırınşı Baku türkologiia qūryltaiynyŋ 100 jyldyǧyna arnalǧan halyqaralyq ǧylymi-mädeni ıs-şaralar ötedı. Ūiymdastyruşy – Türkı mädenietı jäne mūrasy qory.
Türkı mädenietı jäne mūrasy qory – soŋǧy jyldary türkı halyqtarynyŋ ortaq tarihi mūrasyn halyqaralyq deŋgeide jüielı türde nasihattap, türkı integrasiiasyn mädeni baǧytta küşeituge ülken üles qosyp jürgen jetekşı ūiymdardyŋ bırı.
Baku türkologiia qūryltaiynyŋ 100 jyldyǧy aiasynda QR Ūlttyq ortalyq muzeiınde «1926/2026: Bırınşı Baku türkologiia qūryltaiynyŋ 100 jyldyǧy» atty halyqaralyq körme ötedı. Ekspozisiiada būryn köpşılıkke ūsynylmaǧan sirek arhiv qūjattary, fotosuretter men tarihi materialdar tanystyrylady.
Sondai-aq QR Ūlttyq kıtaphanasynda äzerbaijandyq ǧalymdardyŋ «Bırınşı türkologiialyq qūryltai» atty ǧylymi eŋbegı men tarihi beinederekter şejıresınıŋ tūsaukeserı ötedı.
Türkı mädenietı jäne mūrasy qory ūiymdastyryp otyrǧan ıs-şaranyŋ basty maqsaty – türkı halyqtarynyŋ ortaq tarihi jadyn jaŋǧyrtu, özara ǧylymi bailanysty nyǧaitu jäne HH ǧasyr basyndaǧy türkologiia mūrasyn jaŋa buynǧa tanystyru.
Türkı halyqtarynyŋ ǧylymi jadyna arnalǧan tarihi data – «1926 jylǧy Baku türkologiia qūryltaiy» türkı älemınıŋ ǧylymy, älıpbiı, tılı men mädenietın damytudaǧy eŋ ırı tarihi oqiǧalardyŋ bırı boldy. Qūryltai jūmysyna Ahmet Baitūrsynov, Näzır Töreqūlov, Eldes Omarov sekıldı qazaq ziialylary qatysyp, qazaq tıl bılımınıŋ damuyna negız qalaǧan.
100 jyldan keiıngı kezdesude Äzerbaijan, Qazaqstan, Qyrǧyzstan, Türkiia, Özbekstan, Türıkmenstan, AQŞ, Oŋtüstık Koreia jäne Soltüstık Kiprden kelgen belgılı ǧalymdar baiandama jasap, Türkı memleketterı ūiymy, TÜRKSOY, Halyqaralyq Türkı akademiiasy, Türık tılı qoǧamdastyǧy syndy halyqaralyq ūiymdardyŋ jetekşılerı qatysady.
Is-şaralar QR Ūlttyq ortalyq muzeiı jäne QR Ūlttyq kıtaphanasynda ötedı.
Ötetın künı: 22 mamyr 2026 jyl.
Bailanys aqparaty:
+7 705 802 20 58 Serık Nūrmolda, Türkı mädenietı jäne mūrasy qory ökılı
+7 700 573 30 11 Qūralai Mūrtaqyzy, PR-menedjer
