Äleumettık jelılerde Almaty oblysyndaǧy ortaǧasyrlyq Talhiz qalaşyǧy turaly video keŋınen talqylanyp jatyr. Video avtory IýNESKO tızımıne engen tarihi nysanǧa barǧanymen, keşen qaqpasynyŋ jabyq bolǧanyna şaǧymdandy, dep habarlaidy “Adyrna”.
Bloger ärı saiahatşy Vladislav Talǧarǧa sapary kezınde Talhiz qalaşyǧyna kezdeisoq tap bolǧanyn aitty. Alaida nysanǧa kıre almaǧan.
"Talǧarǧa video tüsıruge kelıp, IýNESKO mūralar tızımıne kıretın Talhiz qalaşyǧyn kördım. Bıraq jetkenımde jabyq boldy. Qoŋyrau şalǧanymda ekskursiiany aldyn ala brondau kerektıgın tüsındırdı. Sol kezde maman kelıp, bärın körsetedı eken", – dedı ol.
Saiahatşynyŋ pıkırınşe, būl aumaqtyŋ turistık äleuetı joǧary. Onyŋ oiynşa, mūnda ūlttyq stildegı qolöner şeberhanalary men şyǧys bazarlary bar etnoqalaşyq jasauǧa bolady.
"Esık" memlekettık tarihi-mädeni muzei-qoryǧynyŋ mälımetınşe, Talhiz qalaşyǧy düisenbıden jūmaǧa deiın jūmys ısteidı. Ekskursiialar aldyn ala jazylu arqyly ūiymdastyrylady.
"Ekskursiia uaqytyn aldyn ala kelısıp, keluşıler sanyn naqty körsetu qajet", – dep habarlady muzei-qoryq ökılderı.
Mamandardyŋ aituynşa, jūmys künderı nysan keluşıler üşın aşyq. Alaida toppen barudy josparlaǧandar mındettı türde aldyn ala habarlasuy tiıs.
Talhiz qalaşyǧy 2014 jyly IýNESKO-nyŋ Bükılälemdık mūralar tızımıne Ūly Jıbek jolyna qatysty transūlttyq nysan qūramynda engızılgen. Al 2018 jyldan berı "Esık" muzei-qoryǧynyŋ qaramaǧynda.
Qazır aumaqta arheologiialyq jäne ǧylymi zertteuler jalǧasyp jatyr. Ǧalymdar ortaǧasyrlyq qala mädenietı men Ūly Jıbek jolynyŋ tarihyn zertteude..
