Käsıpker qoldauymen jaŋǧyrtylyp jatqan Jezqazǧan qalasyndaǧy toqyma fabrikasynyŋ ǧimaraty memleket menşıgınde qalady. Būl turaly Ūlytau oblysy äkımınıŋ orynbasary Nūrtas Kärıpbaev öŋırlık kommunikasiialar alaŋynda ötken baspasöz brifingınde mälımdedı.
Ūzaq jyldar boiy bos tūrǧan nysandy qaita jaŋǧyrtu maqsatynda 2025 jylǧy 21 şıldede jelılerde resmi habarlandyru jariialanyp, jergılıktı käsıpkerlermen kelıssözder jürgızılgen. Alaida alǧaşqy ekı apta ışınde jobaǧa qyzyǧuşylyq tanytqan investor bolmaǧan.
Tek 2025 jylǧy 8 tamyzda «SRT Construction» JŞS tarapynan jobaǧa qatysu nietı turaly resmi hat kelıp tüskennen keiın naqty ūiymdastyru jäne daiyndyq jūmystary bastaldy.
Nätijesınde «Ūlytau» ÄKK» AQ men «SRT Construction» JŞS arasynda bırlesken qyzmet turaly şart jasaldy. Kelısımge säikes, joba qūnynyŋ 15 paiyzyn investor, al 85 paiyzyn «Ūlytau» ÄKK» AQ qarjylandyrady. Sonymen qatar, investorǧa 1 milliard teŋge kölemınde investisiia tartu mındetı jüktelgen.
Şart talaptaryna sai, investor men «Ūlytau» ÄKK» AQ nysandy 2030 jylǧa deiın bırlesıp basqaryp, qyzmet körsetedı. Būl kezeŋde ǧimarat tolyqtai «Ūlytau» ÄKK» AQ balansynda saqtalady.
Al bes jyldyq merzım aiaqtalǧan soŋ investor joba aiasyndaǧy qyzmetın toqtatady. Nysanǧa menşık qūqyǧy özgerıssız memleket balansynda qalady.
