Foto:instagram.com/serikuly__appaz/
Astanada blogerler poliseidıŋ äreketın videoǧa tüsıru maqsatynda suǧa batyp bara jatqan adamnyŋ keiıpın körsetıp, prank jasaǧan. Keiın būl oqiǧa şaurma jarnamasy üşın ekenı anyqtaldy, dep habarlaidy "Adyrna".
Bloger Appaz Serıkūly äleumettık jelıde jariialaǧan videoda adamdar polisiia qyzmetkerın suǧa batyp bara jatqan adamǧa kömektesuge şaqyrady. Oqiǧa ornyna jedel jetken polisei suǧa tüsıp, “zardap şekken adamdy” jaǧaǧa alyp şyǧady.
Alaida keiın būl jaǧdai äleumettık täjıribe retınde ūiymdastyrylǧany, al “jäbırlenuşınıŋ” rölın käsıbi jüzgış oryndaǧany belgılı boldy. Video tamaqtanu ornymen bırlesken jarnama retınde jariialanǧan.
Astana qalalyq polisiia departamentınıŋ mälımetınşe, oqiǧa Grebnoi kanal aumaǧynda bolǧan.
“Azamat qūqyq qorǧau qyzmetkerın "synau" maqsatynda suǧa batu jaǧdaiyn prank retınde ūiymdastyrǧan. Būl şynaiy oqiǧa emes”, – delıngen resmi habarlamada.
Polisiia mūndai äreketterdıŋ qoǧamdyq tärtıptı būzatynyn eskertıp, qūqyq qorǧau organdarynyŋ jūmysyn ädeiı jaŋylystyruǧa bolmaitynyn aitty.
Sot şeşımımen atalǧan ıske qatysqandar ūsaq būzaqylyq baby boiynşa 10 jäne 15 täulıkke qamauǧa alyndy.
Qūzyrly organ azamattardy qoǧamdyq tärtıptı saqtauǧa jäne tötenşe qyzmetterdıŋ jūmysyn qūrmetteuge şaqyrdy.
