24 mamyrǧa qaraǧan tünı Resei Kievke ondaǧan ballistikalyq zymyranmen jäne «şahed» drondarymen şabuyl jasady, dep habarlaidy «Adyrna» tılşısı BBC-ge sılteme jasap.
Soqqy tüngı bırler şamasynda bastalyp, taŋǧa deiın jalǧasqan. Kiev merı Vitalii Klichkonyŋ mälımetınşe, ekı adam qaza tapqan, 56 adam jaraqat alǧan. Olardyŋ 28-ı, sonyŋ ışınde ekı bala, auruhanaǧa jetkızılgen. Üş nauqastyŋ jaǧdaiy auyr. 16 adamǧa jedel medisinalyq kömek körsetılıp, olar ambulatoriialyq em alǧan.
Kievtıŋ Şevchenko audanynda soqqy saldarynan mektep ǧimaraty zaqymdanǧan. Jergılıktı bilık sondai-aq qala boiynşa supermarketter men qoimalarǧa da zaqym kelgenın jetkızdı.
Ukraina Qaruly küşterınıŋ deregınşe, Resei Belaia Serkov audanyn «Oreşnik» zymyranymen atqylaǧan. Keiın būl aqparatty Ukraina prezidentı Vladimir Zelenskii de rastaǧan.
Būǧan deiın Ukraina prezidentı Reseidıŋ «Oreşnik» orta qaşyqtyqtaǧy ballistikalyq zymyranymen soqqy jasauǧa daiyndalyp jatqanyn eskertken. Onyŋ aituynşa, būl zymyran alǧaş ret 2024 jyldyŋ qaraşasynda Dnepr qalasyna jasalǧan şabuyl kezınde qoldanylǧan, keiın 2025 jyldyŋ qaŋtarynda Lvov oblysyna soqqylarda da paidalanylǧan.
