Äzerbaijan TMD halyqaralyq aviasiia komitetınıŋ ūşaq apatyn tekseru turaly Resei men Qazaqstannyŋ ūsynysynan bas tartty, dep habarlaidy “Adyrna” ūlttyq portaly APA-ǧa sılteme jasap.
«Ūşaq apatynan keiın Resei men Qazaqstan oqiǧany tergep-tekseru turaly TMD-nyŋ halyqaralyq aviasiia komitetıne ūsynys jasady», - dep habarlady ARA.
Aita keteiık, Memleketaralyq aviasiia komitetı 1991 jyly jeltoqsanda 12 memleket jasasqan azamattyq aviasiia jäne äue keŋıstıgın paidalanu turaly memleketaralyq kelısım negızınde qūryldy.
EADaily habarlaǧandai, Qazaqstan reseilık jäne äzırbaijandyq sarapşylardy Aqtau maŋyndaǧy ūşaq apaty boiynşa sot-medisinalyq saraptamaǧa qatysuǧa jıbermeidı, bıraq sarapşylar apatty tergeuge qatysa alady. Būl turaly QR Premer-Ministrınıŋ orynbasary Qanat Bozymbaev aitty.
«Qylmystyq ıs jürgızu kodeksıne säikes, Resei men Äzırbaijannyŋ qūqyq qorǧau organdarynyŋ qylmystyq ıstı tergeuge qatysuy qarastyrylmaǧan. Degenmen, olarǧa apatqa qatysty tergeuge qatysuǧa mümkındık berıledı»,- dedı premer-ministrdıŋ orynbasary.
Eske sslsaq, 25 jeltoqsan künı Baku-Groznyi baǧytynda ūşqan AZAL-ǧa tiesılı Embraer 190 jolauşylar ūşaǧy Aqtau äuejaiynan 3 şaqyrym jerde apatqa ūşyrady. Ūşaq bortynda 67 adam (62 jolauşy jäne 5 ekipaj müşesı), Resei, Äzırbaijan, Qazaqstan jäne Qyrǧyzstan azamattary bolǧan. 38 adam qaitys boldy.
