Qazaqstanda mektepten tys jerde ūiymdastyrylatyn bıtıru keşterıne qataŋ jaza qoldanylady, dep habarlaidy "Adyrna" ūlttyq portaly.
Ministr Jūldyz Süleimenova mektep bıtıru keşterın meiramhana men basqa da köŋıl köteru oryndarynda ötkızuge qatysty bırlesken būiryqta naqty talaptar körsetılgenın aitty.
«Būl būiryqta aiyppūl sanksiialary qarastyrylmaǧan. Bıraq balalardyŋ qūqyǧy, qauıpsızdıgı nemese qoǧamdyq tärtıp būzylsa, zaŋnamada közdelgen normalar qoldanylady. Äkımdıkter men jergılıktı polisiia departamentterı tiıstı şara qabyldai alady», – dedı Jūldyz Süleimenova.
Sonymen qatar ol ata-analardyŋ öz otbasymen bırge qoǧamdyq orynda merekeleuıne eşqandai şekteu joq ekenın atap öttı.
Alaida ministr sän-saltanatty keşter ūiymdastyruǧa qatysty şekteuler saqtaluy qajet ekenın eskerttı.
«Eger limuzin jaldap, ülken meiramhanalarda auqymdy keş ötkızılse, onda būiryqta körsetılgen talaptar qoldanylady. Sondai-aq ülken kölemde aqşa jinauǧa tyiym sinislynǧan», – dedı ministr.
