Äleumettık jelılerde vaksinaǧa qatysty taǧy da jalǧan aqparat tarauda, dep habarlaidy "Adyrna" ūlttyq portaly Stopfake.kz saityna sılteme jasap.
Qazaqstandyqtar messendjerde "densaulyq saqtau ministrlıgınde eşkım koronavirusqa qarsy vaksina saldyrmaǧan" degen aqparat taratuda. Avtor būl jaily vedomstvoda jūmys ısteitın dosynan estıgenın aitady. Sondai-aq, dosy özı de, ärıptesterı de vaksinalardyŋ ziiandy ärı qauıptı ekenın jaqsy bıletının mälımdegen. Bıraq resmi saittyŋ habarlauynşa, būl aqparattar şyndyqqa janaspaidy.
Densaulyq saqtau ministrlıgınıŋ mälımetınşe, vedomstvonyŋ ortalyq apparatynda 205 adam jūmys ısteidı. Onyŋ ışınde 21 adamda medisinalyq qarsy körsetılımder bar, olardyŋ qataryna koronaviruspen üş ai būryn auyrǧandar da kıredı.
"Al vaksinalauǧa jatatyn 184 adamnyŋ 178-ı ekı komponenttı salǧyzdy, al 6 adam bırınşı komponent aldy. Qyzmetkerlerdıŋ 100 paiyzy derlık vaksinalandy", – dep mälımdedı ministrlıktıŋ baspasöz qyzmetı.
"Adyrna" ūlttyq portaly
Ūqsas jaŋalyqtar
