Jambyl oblysynda SOBR inspektory qaza tapty. Būl aqparatty oblystyq Polisiia departamentı rastady, dep habarlaidy "Adyrna".
Qaiǧyly oqiǧa Qordai audanynda jedel den qoiu arnaiy jasaǧynyŋ (SOBR) kazarma ǧimaratynda bolǧan. Oqiǧa qyzmettık ǧimarattyŋ dälızınde oryn alǧan.
Aldyn ala mälımet boiynşa, 1995 jyly tuǧan qyzmetker tabeldık qarudan oq jaraqatyn alǧan. Zardap şekken azamat auyr jaǧdaida audandyq ortalyq auruhanaǧa şūǧyl jetkızılgen.
Därıgerlerdıŋ barlyq küş-jıgerıne qaramastan, ol esın jimastan jansaqtau bölımınde köz jūmdy.
Jambyl oblystyq polisiia departamentınıŋ mälımetınşe, atalǧan faktı boiynşa Qazaqstan Respublikasy Qylmystyq kodeksınıŋ 105-baby boiynşa sotqa deiıngı tergep-tekseru bastaldy.
Qazırgı uaqytta oqiǧanyŋ män-jaiyn jan-jaqty, tolyq ärı obektivtı anyqtauǧa baǧyttalǧan qajettı tergeu äreketterı jürgızılude, – dep habarlady vedomstvo redaksiianyŋ saualyna bergen jauabynda.
Sondai-aq qyzmettık tekseru taǧaiyndaldy.
Aldyn ala mälımetter boiynşa, ıs qyzmetpen bailanysty emes. Qazaqstan Respublikasy Qylmystyq-prosestık kodeksınıŋ 201-babyna säikes özge mälımetter jariia etılmeidı, - dep atap öttı oblystyq PD.
