Atyrau oblysynyŋ İsatai audanyndaǧy Tūşyqūdyq auylynda joǧalyp ketken üş jäne tört jastaǧy ekı bala tabyldy, dep habarlaidy "Adyrna" ūlttyq portaly.
Aldyn ala mälımetke säikes, oqiǧa 17 şılde künı keşkı uaqytta bolǧan. Balalardyŋ joǧalǧany turaly habar tüskennen keiın olardy ızdeuge polisiia qyzmetkerlerı, tötenşe jaǧdailar qyzmetınıŋ mamandary men auyl tūrǧyndary jūmyldyryldy.
Bastapqy mälımet boiynşa, balalardy auyldyŋ 25 jastaǧy tūrǧyny özımen bırge alyp ketken. Kuägerlerdıŋ aituynşa, ol büldırşınderge balmūzdaq alyp beretının aityp, ertıp ketken. Izdestıru jūmystarynyŋ nätijesınde şamamen üş saǧattan keiın ekı bala da aman-esen tabyldy. Küdıktı ūstalyp, audandyq polisiia bölımıne jetkızıldı.
Äleumettık jelılerde küdıktınıŋ psihikalyq dertke şaldyqqany turaly aqparat taraǧanymen, būl mälımettı qūzyrly organdar resmi türde rastaǧan joq.
