Memleket basşysy Alataudy damytu jönındegı keŋeste investorlar üşın barynşa qolaily orta qalyptastyrudyŋ maŋyzyn atap öttı, dep habarlaidy "Adyrna" ūlttyq portaly.
Būl turaly Aqordanyŋ baspasöz qyzmetı habarlady.
Prezidenttıŋ aituynşa, Alatau qalasynyŋ tabysty damuy üşın qolaily investisiialyq ahual qalyptastyryp, investorlarǧa joǧary deŋgeidegı qyzmet körsetu qajet.
«İnvestorlar üşın barynşa qolaily jaǧdai men eŋ joǧary deŋgeidegı servistı qamtamasyz etu – basym mındet. Eŋ aldymen barlyq halyqaralyq standarttardy qataŋ saqtau qajet. Äsırese ūlttyq retteu jüiesı ozyq täjıribelerden qalyp qoiǧan salalarda būl öte maŋyzdy. Būl jūmysty ıske qosu – elımızdıŋ jedel ärı qarqyndy damuynyŋ kepılı. Jauapty lauazymdy tūlǧalar batyl şeşım qabyldaudan qoryqpauy kerek. Būl ötınış te, keŋes te emes, naqty tapsyrma», – dedı Memleket basşysy.
Prezident Toqaev erekşe qūqyqtyq märtebesı bar qalalardyŋ älemdık kapitaldy belsendı tartu arqyly köşbasşylyqqa ūmtylyp jatqanyn atap öttı.
Memleket basşysy būl baǧyttaǧy jūmysta aqparattyq tehnologiialar, önerkäsıp, kölık jäne logistika, turizm, medisina men bılım beru salalaryna basymdyq berıluı tiıs ekenın atap öttı.
