AQŞ İrannyŋ Parsy şyǧanaǧyndaǧy kemelerge jäne körşıles arab elderınıŋ aumaǧyna baǧyttap ūşyrǧan drondary men ballistikalyq zymyrandaryn atyp tüsırgenın mälımdep, oǧan jauap retınde «özın-özı qorǧau» maqsatynda İran aumaǧyna soqqy jasaǧanyn mälımdedı. Būl turaly BBC jazdy, dep habarlaidy «Adyrna» tılşısı.
AQŞ Ortalyq qolbasşylyǧynyŋ (CENTCOM) mälımetınşe, soqqylar Ormūz būǧazyndaǧy Keşm aralyna jasalyp, būl äreket «İrannyŋ Taiau Şyǧys aumaǧyndaǧy şabuyl jasau äreketterıne jauap retınde» jüzege asyrylǧan.
CENTCOM deregıne säikes, İran Kuveitke qarai ekı zymyran ūşyrǧan, alaida olar nysanaǧa jetpei joiylǧan. Būdan bölek, Bahreinge baǧyttalǧan taǧy üş zymyran äuede ūstalyp qalǧan.
Öz kezegınde İrannyŋ İslam revoliusiiasy saqşylar korpusy aimaqtaǧy elderdıŋ bırındegı amerikalyq äskeri bazalar men tıkūşaqtarǧa zymyrandar men drondar arqyly soqqy jasaǧanyn mälımdedı. İrandyq BAQ būl şabuyldy AQŞ-tyŋ Keşm aralynyŋ oŋtüstıgındegı bailanys mūnarasyna jasaǧan soqqysyna jauap dep baǧalap otyr.
CENTCOM Keşm aralynda İrannyŋ äskeri basqaru punktı nysanaǧa alynǧanyn habarlady. Sondai-aq aimaqtyq sular arqyly zaŋdy türde tranzitpen ötıp bara jatqan azamattyq kemelerge baǧyttalǧan üş irandyq dronnyŋ atyp tüsırılgenın mälımdedı.
AQŞ pen İzrail İranǧa qarsy äskeri nauqan bastaǧannan berı İran Ormūz būǧazyn üş aidan astam uaqyt boiy būǧattap otyr. Säuır aiynyŋ basynda atysty toqtatu turaly jariialanǧanymen, soŋǧy künderı beibıt kelıssözder qaitadan tyǧyryqqa tırelgen. AQŞ 13 säuırden bastap İran porttaryna baǧyt alǧan nemese sol porttardan şyqqan kemeler üşın būǧazdy jauyp tastaǧan.
