Memleket basşysy elordadaǧy «Atameken» etnomemorialdy keşenınde ötken Memlekettık tu köteru räsımıne qatysty, dep habarlaidy "Adyrna".
Räsım barysynda Prezident Qazaqstannyŋ tarihi damuy men memlekettılık dästürlerı jönınde pıkır bıldırdı. Onyŋ aituynşa, qazırgı Qazaqstandaǧy berık ornyqqan prezidenttık basqaru ülgısınıŋ bastauy Altyn Orda kezeŋındegı saiasi jüiemen sabaqtas.
"Qazır Qazaqstanda berık ornyqqan prezidenttık basqaru ülgısı Altyn Orda kezınde qūrylǧan saiasi jüieden bastau alady", - dedı Prezident.
Memleket basşysy jaŋa Konstitusiiada qazaq elınıŋ töl şejıresı Ūly dalanyŋ myŋdaǧan jyldyq tarihymen tyǧyz bailanysty ekenı aiqyn körsetılgenın atap öttı.
Prezidenttıŋ aituynşa, Altyn Orda öz däuırınde damyǧan basqaru instituttary, diplomatiialyq qyzmetı, sauda jäne keden jüiesımen erekşelengen. Ol sondai-aq tarihi mūra qazırgı Qazaqstannyŋ memlekettık damuyna äser etetın maŋyzdy faktor ekenın jetkızdı.
"Altyn Ordanyŋ eŋ basty mūrasy – onyŋ myzǧymas qūndylyqtary. Sebebı alyp memlekette dını, tılı, mädenietı, dästürı bölek adamdar ortaq erejeler aiasynda tatu-tättı ömır sürdı. Babalarymyzdyŋ osyndai taǧylymdy joly bız üşın öşpes önege jäne basty strategiialyq baǧdar bolyp qala beredı", - dedı.
