Atyrauda bır otbasynyŋ joǧalyp ketuıne qatysty ıs boiynşa jelıde pıkır bıldırıp jürgen azamat Türkiia aumaǧynda ūstaldy, dep habarlaidy "Adyrna" ūlttyq portaly.
IIM mälımetınşe, 32 jastaǧy er adam İnterpoldyŋ kömegımen halyqaralyq ızdeu barysynda qolǧa tüsken. Qazırgı uaqytta ony Qazaqstanǧa ekstradisiialau mäselesı qarastyrylyp jatyr.
Jelıde «Atyraulyq haker» degen atpen tanylǧan azamat būǧan deiın Atyraudaǧy otbasynyŋ joǧaluyna qatysty türlı boljamdaryn jariialap, yqtimal küdıktılerdıŋ esımderın de ataǧan. Onyŋ jazbalary qoǧamda qyzu talqylanyp, köpşılıktıŋ nazaryn audarǧan edı.
Alaida qūqyq qorǧau organdary onyŋ ūstaluyna äleumettık jelıdegı jariialanymdarynyŋ qatysy joq ekenın mälımdedı. Resmi aqparatqa säikes, küdıktıge qatysty bırneşe alaiaqtyq deregı boiynşa qylmystyq ıster qozǧalǧan. Sot şeşımımen oǧan syrttai qamauǧa alu türındegı būltartpau şarasy sanksiialanǧan.
Sondai-aq vedomstvolar alaiaqtyqqa qatysty qylmystyq ıstıŋ Atyrau oblysyndaǧy otbasynyŋ joǧaluy men qaza boluyna bailanysty tergeumen eşqandai bailanysy joq ekenın atap öttı.
