16 mamyrda Memleket basşysy «Kıtap oqu mädenietın damytu jäne zerdelı ūlt qalyptastyru jönındegı şaralar turaly» Jarlyqqa qol qoidy. Qūjat adami kapitaldy damytuǧa, qoǧamnyŋ ziiatkerlık äleuetın nyǧaituǧa jäne azamattardyŋ kıtap oquǧa degen qyzyǧuşylyǧyn arttyruǧa baǧyttalǧan.
Prezident tapsyrmalaryn oryndau aiasynda Mädeniet jäne aqparat ministrlıgı kıtaphana salasyn jaŋǧyrtu, kıtap oqudy keŋınen nasihattau jäne halyqtyŋ bılım men aqparatqa qoljetımdılıgın arttyru baǧytynda keşendı şaralardy jüzege asyryp keledı. Būl rette salany sifrlandyruǧa erekşe män berılude.
Bügınde ūlttyq jazba mūramyzǧa keŋınen qol jetkızudıŋ negızgı qūraldarynyŋ bırı – ūlttyq elektrondy kıtaphana, iaǧni QazŪEK. Portalda kıtaptar, sirek qūjattar men qoljazbalar, merzımdı basylymdar, dissertasiialar, arhiv materialdary, audio jäne beinejazbalar, kartalar jäne basqa da sifrlyq resurstar jinaqtalǧan.
2026 jyldyŋ basynan berı QazŪEK materialdaryn qarau sany 3,6 millionnan asty. Qaşyqtan paidalanuşylar sany 295 116 adamǧa jetse, elektrondy köşırmelerdı jükteu körsetkışı 891 551-dı qūrady.
Osy kezeŋde elektrondy kıtaphana qoryna 2 506 sifrlyq köşırme engızılıp, 437 qūjat öŋdeuden ötkızıldı jäne 127 555 bet skanerlendı. Qazırgı taŋda QazŪEK-tıŋ jalpy qorynda 86 315 qūjat bar. Onyŋ ışınde sifrlandyrylǧan 10 myŋnan astam qoljazba men sirek kıtap saqtalǧan.
Elektrondy kıtaphana qyzmetın älemnıŋ 122-den astam elınıŋ oqyrmandary paidalanady. Portalǧa Qazaqstan, Qytai, Resei, AQŞ, Vetnam, Özbekstan, Türkiia, Germaniia, Fransiia jäne Qyrǧyzstan tūrǧyndary erekşe qyzyǧuşylyq tanytyp otyr. Elektrondy qūjattar älemnıŋ 70 tılınde ūsynylǧan.
Portaldaǧy barlyq materialdy tırkelusız-aq erkın qarauǧa bolady. QazŪEK qorynda «Memlekettık baǧdarlamalar aiasynda jaryq körgen kıtaptar», «Sirek qūjattar men qoljazbalar», «Türkıtıldes elder kıtaphanasy» jäne basqa da taqyryptyq jinaqtar bar.
Aldaǧy uaqytta būl jūmys Ūlttyq sifrlyq kıtaphana platformasyn qūru arqyly jaŋa deŋgeige köterılmek. Bıryŋǧai platforma elektrondy katalogtardy, sifrlyq qorlardy, bılım beru resurstary men zamanaui servisterdı özara bırıktıredı. Sonyŋ nätijesınde azamattar tūrǧylyqty jerıne qaramastan otandyq ädebietke, ǧylymi basylymdarǧa, sirek kıtaptar men arhiv materialdaryna erkın qol jetkıze alady.
