«Senımen Bolaşaq» respublikalyq qoǧamdyq bırlestıgı ūiymnyŋ qūrylǧanyna 5 jyl toluyna orai būqaralyq aqparat qūraldary ökılderı arasynda «Tektıler tu köteredı» atty respublikalyq şyǧarmaşylyq baiqaudyŋ bastalǧanyn jariialady. Jalpy jülde qory – 3 million teŋge.
Baiqau «Senımen Bolaşaq» RQB-nyŋ bes jyldyq mereitoiy men Būqaralyq aqparat qūraldary qyzmetkerlerı künıne orai ūiymdastyrylyp otyr. Onyŋ negızgı maqsaty – qoǧamda sanaly ata-ana mädenietın qalyptastyru, otbasy institutyn nyǧaitu, ūlttyq tärbienı därıpteu jäne balalar men jastardyŋ qauıpsız ärı üilesımdı damuyna baǧyttalǧan bastamalardy keŋınen nasihattau.
Ūiymdastyruşylardyŋ mälımetınşe, baiqauǧa qatysuşylar «Senımen Bolaşaq» RQB jüzege asyryp jatqan jobalar men bastamalar negızınde äzırlengen televiziialyq siujetterdı, baspa jäne internet-basylymdardaǧy maqalalardy, sondai-aq radio nemese YouTube formatyndaǧy baǧdarlamalardy ūsyna alady.
Baiqau kelesı nominasiialar boiynşa ötedı: «Üzdık televiziialyq material» – 500 000 teŋge;
«Baspa basylymyndaǧy üzdık maqala» – 500 000 teŋge;
«İnternet-basylymdaǧy üzdık jariialanym» – 500 000 teŋge;
«Üzdık radio nemese YouTube baǧdarlamasy» – 500 000 teŋge.
Būdan bölek, arnaiy aqşalai yntalandyru syilyqtary da qarastyrylǧan.
Konkursqa 2026 jylǧy 18 mausym men 15 şılde aralyǧynda qazaq nemese orys tılderınde jariialanǧan ne efirge şyqqan materialdar qabyldanady. Bır qatysuşy ūsynatyn jūmystar sanyna şekteu qoiylmaidy. Baiqauǧa Qazaqstannyŋ barlyq öŋırlerındegı jurnalister qatysa alady.
Jūmystardy salalyq sarapşylar, täjıribelı jurnalister jäne qoǧamdyq sala mamandarynan qūralǧan täuelsız komissiia baǧalaidy.
Baiqauǧa qatysu üşın materialdardy senimenbolashaq.media@gmail.com elektrondyq poştasyna joldau qajet. Qosymşa aqparatty +7 775 510 1784 telefon nömırı arqyly aluǧa bolady.
Baiqau qorytyndysy 2026 jylǧy 20 şıldege deiın jariialanady.
