Qyrǧyzstan men Özbekstan şekarany demarkasiialau üderısı aiasynda ekı el arasynda aumaqtyq almasu jüzege asyryldy, dep habarlaidy "Adyrna" ūlttyq portaly.
Nätijesınde ekı eldı meken tūrǧyndarymen bırge Qyrǧyz Respublikasynyŋ qūramyna öttı.
Mälımetke säikes, Qyrǧyzstanǧa ötken eldı mekender – būryn Özbekstannyŋ Ferǧana oblysyna qarasty bolǧan Chongara jäne Taş-Tobo auyldary. Būl auyldarda şamamen 2500 adam tūrady, olardyŋ basym bölıgı etnikalyq qyrǧyzdar.
Resmi aqparatqa sai, tiıstı tırkeu räsımderı aiaqtalǧannan keiın jergılıktı tūrǧyndarǧa Qyrǧyz Respublikasynyŋ azamattyq qūjattary berılmek. Öz kezegınde Qyrǧyz tarapy Özbekstanǧa jalpy aumaǧy 236 gektardy qūraityn şekara maŋyndaǧy jer uchaskelerın berdı. Atalǧan aumaqtyq almasu ekı el arasyndaǧy şekara infraqūrylymyn damytuǧa mümkındık bermek.
Sonymen qatar būl kelısım şeŋberınde Sai jäne Taian auyldaryn bailanystyratyn avtojol qūrylysy jobasyn ıske asyru josparlanyp otyr. Joba nätijesınde Aidarken men Batken arasyndaǧy jol qaşyqtyǧy 225 şaqyrymnan şamamen 55 şaqyrymǧa deiın qysqarady dep kütılude.
Aita keteiık, Qyrǧyzstan būǧan deiın Qazaqstanmen de şekaralyq aumaqtardy almasu mäselesın kötergen.
