Türkiia prezidentı äkımşılıgınıŋ kommunikasiialar basqarmasynyŋ basşysy Burhanettin Duran İzrail bilıgınıŋ 1915 jylǧy oqiǧalarǧa qatysty şeşımın qataŋ synǧa aldy, dep habarlaidy «Adyrna» tılşısı Anadolu Ajansı-ge sılteme jasap.
Ol İzrail ükımetınıŋ 1915 jylǧy oqiǧalardy «armian genosidı» dep tanu turaly şeşımıne jelıdegı paraqşasynda pıkır bıldırdı.
«XXI ǧasyrdaǧy eŋ qatygez jappai qyrǧyndardyŋ bırın jasaǧan, balalardy, äielderdı jäne qarttardy qosa alǧanda, ondaǧan myŋ beibıt tūrǧynnyŋ ömırın qiǧan İzrail basşylyǧynyŋ tarihi oqiǧalardy saiasi qaru retınde paidalanuǧa batyly jetuı – ekıjüzdılıktıŋ aiqyn körınısı», – dedı basşy.
Durannyŋ aituynşa, İzraildıŋ 1915 jylǧy oqiǧalardy «genosid» dep tanuy – jazyqsyz palestinalyqtardyŋ qanyna qatysty jauapkerşılıktı, Taiau Şyǧysta jürgızıp otyrǧan memlekettık terrordy jäne adamzatqa qarsy jasalǧan qylmystardy bürkemeleuge baǧyttalǧan nätijesız äreket.
Sondai-aq ol bügıngı künı halyqaralyq qūqyq normalaryn öreskel būzyp, auruhanalardy, mektepterdı, ǧibadat oryndaryn jäne bosqyndar lagerlerın üzdıksız bombalap otyrǧan memlekettıŋ moraldyq jäne tarihi jauapkerşılık turaly söz qozǧauyn «adamzat tarihyndaǧy eŋ ülken ironiialardyŋ bırı» dep atady.
«Genosid jasady degen aiyppen Halyqaralyq sot aldynda jauap berıp otyrǧandardyŋ Türkiiaǧa tarihtan därıs oquǧa nemese ar-ojdannyŋ qorǧauşysy retınde söileuge eşqandai qūqyǧy joq», – dep tüiındedı Duran.
Eske salaiyq, būǧan deiın İzraildıŋ eldıŋ syrtqy ıster ministrı Gideon Saar ūsynǧan Osman imperiiasyndaǧy "armian genosidın" tanu turaly ūsynysty maqūldaǧanyn jazǧan edık.
