Jetısu oblysy qūrylǧannan berı turizmdı, sonyŋ ışınde Alaköl kölınıŋ jaǧalauyn damytu baǧytynda jüielı jūmystar atqarylyp keledı. Prezidenttıŋ tapsyrmasyna säikes jaǧalaudaǧy sanitarlyq tazalyqty qamtamasyz etuge erekşe köŋıl bölıngen, - dep habarlaidy Jetısu oblysy äkımınıŋ baspasöz qyzmetı.
Atap aitqanda, Aqşi, Köktūma auyldaryndaǧy köl jaǧalaularynyŋ tazalyq jūmystarymen tūraqty ainalysatyn arnaiy «Alaköl Tazalyq» kommunaldyq käsıporny qūrylǧan, onda 50-ge juyq qyzmetker jūmys ısteidı. Tazalyq jūmystaryna 20-dan astam tehnika jūmyldyrylǧan.
Būl rette kommunaldyq jaǧajaiǧa 720 qoqys konteinerı qoiylǧan. Sol siiaqty 44 kiım auystyratyn kabina, 24 moduldık därethana, 45 biodärethana ornatylǧan.
Qaiyqtar men paromdarǧa qatysty aitsaq, ötken jyly Alaköldegı şaǧyn jüzu qūraldarynyŋ qozǧalysyn retteu maqsatynda Jetısu oblysynda ortaq su paidalanu jäne su aidyndaryndaǧy qauıpsızdık qaǧidalary bekıtıldı. Atalǧan qaǧidalarda su aidyndaryndaǧy qauıpsızdık talaptary jan-jaqty tüsındırıldı, olardy saqtamaǧany üşın jauapkerşılık belgılendı.
Jalpy, Alaköl kölınde demaluşylardyŋ qauıpsızdıgın qamtamasyz etu maqsatynda jaǧalau aumaǧynda täulık boiy kezekşılık ūiymdastyrylǧan. Būl jūmystarǧa 14 qūtqaruşy, 11 motorly qaiyq jūmyldyrylǧan. Sonymen qatar biylǧy şomylu mausymynda qoǧamdyq tärtıptı qamtamasyz etu üşın 50 polisiia qyzmetkerı, 16 qyzmettık avtokölık jäne 5 ūşqyşsyz dron tartylǧan.
Sonymen qatar jaǧalau boiynda 40 qūtqaru mūnarasy ornatylyp, 13 şaqyrymǧa bui syzyqtary tartylǧan. Qauıpsızdıktı qamtamasyz etu maqsatynda 39 beinebaqylau kamerasy jūmys ısteidı jäne 7 pirs paidalanuǧa berılgen.
Kündelıktı suda da, jaǧajaida da qauıpsızdık maqsatynda mamandar tarapynan tūraqty türde reid jürgızıledı.
Sondai-aq jaǧalau aumaǧynyŋ jai-küiın baqylau, onyŋ ışınde ekologiialyq mädeniettıŋ qarapaiym talaptarynyŋ saqtaluyn qadaǧalau beinebaqylau jüiesı arqyly jüzege asyrylady. Ornatylǧan beinekameralar jergılıktı polisiianyŋ Jedel basqaru ortalyǧynyŋ jüiesıne qosylǧan. Sonyŋ nätijesınde qoqys tastaityn, kölık qūraldaryn rūqsat etılmegen oryndarǧa qoiatyn jäne özge de qūqyq būzuşylyqtarǧa jol beretın azamattar beinejazbalar arqyly anyqtalyp, zaŋnamaǧa säikes jauapkerşılıkke tartylady.
Demaluşylar köl jaǧalauynda jasalǧan jaǧdailarǧa oŋ baǧasyn berdı.
- Emdık qasietı bar, tabiǧaty tamaşa Alaköl kölın jaqsy köremız. Otbasymyzben jyl saiyn mındettı türde bır mausymda ekı ret kelemız. Biyl tazalyqqa erekşe köŋıl bölıngenı bırden baiqalyp tūr. Kiım auystyratyn oryndar, jaŋa därethanalar ornatylyp, kameralar qoiylǧan, jaǧajai taza. Jyldan jylǧa demaluşylarǧa jasalǧan jaǧdailar jaqsarǧany bızdı quantady, - dedı demaluşylardyŋ bırı.
- Biyl jaǧalaudaǧy özgerıster bırden közge tüsedı. Jaǧajai tap-taza, tazalyq jūmystary tūraqty jürgızılıp jatyr. Künnen qorǧaityn qolşatyrlar, därethanalar, kiım auystyratyn jäne demaluǧa arnalǧan kabinalar ornatylǧan. Eŋ bastysy – tazalyqtyŋ saqtalǧanyn erekşe aitar edım. Ärbır sanitarlyq torapta barlyq qajettı gigienalyq qūraldar bar, qol juuǧa arnalǧan sūiyq sabynǧa deiın qoiylǧan. Jalpy, demaluǧa jaily ärı qolaily jaǧdai jasalǧanyn körıp otyrmyz, – dedı demalysqa kelgen otbasy müşelerı.
Eske salsaq, Alaköl jaǧalauynda soŋǧy üş jylda injenerlık jäne kölık infraqūrylymyn damytu baǧytynda ırgelı jobalar ıske asyrylǧan bolatyn. Atap aitqanda, kölge aparatyn avtojoldar jaŋaryp, Üşaral äuejaiynyŋ ūşu-qonu jolaǧy jaŋǧyrtyldy. Jazǧy mausymda kölge kölıkpen jetudı qamtamasyz etude temır jol baǧyty, äue reisterı tūraqty ūiymdastyrylǧan. Oǧan qosa jaǧalaudy jetkılıktı elektr quatymen qamtu maqsatynda 57 şaqyrym elektr jelısı men ekı qosalqy stansa qūrylysy aiaqtaldy. Būl elektr quaty tapşylyǧyn joiyp, qajettı elektr energiiasynyŋ qoryn qalyptastyruǧa mümkındık berdı. Qazırgı kezde Alaköl jaǧalauynda jobalyq quaty jaǧynan elımızdegı ırı jobalardyŋ bırı - täulıgıne 6,5 myŋ tekşe metr su tazarta alatyn kärız tazartu qondyrǧysynyŋ 2-şı kezegınıŋ qūrylysy jürude. Sonymen qatar, jaǧalaudy bekıtu jobasy da jalǧasuda. Jaǧalau jiegınıŋ şaiyluyn boldyrmauǧa baǧyttalǧan joba 14 şaqyrymǧa juyq jaǧalau aumaǧyn qamtidy. Ötken jyldyŋ şılde aiynda bastalǧan qūrylys jūmystaryn kelesı jyldyŋ jazynda aiaqtau josparlanyp otyr.
