Astanada polisiia qyzmetkerlerı ekı jol-kölık oqiǧasyna qatysqan Toyota Land Cruiser kölıgınıŋ jürgızuşısın ūstady. Rölde bokstan Olimpiada chempiony Daniiar Eleusınov bolǧan, dep habarlaidy «Adyrna» tılşısı.
Aldyn ala mälımet boiynşa, Toyota Land Cruiser jürgızuşısı basqa kölıktermen soqtyǧysyp, oqiǧa ornynan ketıp qalǧan.
«Jedel-ızdestıru ıs-şaralarynyŋ nätijesınde kölık qūraly anyqtalyp, Dostyq köşesınde polisiia qyzmetkerlerı tarapynan ūstaldy. Rölde alkogoldık masaŋdyq belgılerı bar 35 jastaǧy er adam bolǧan», – dep habarlady polisiia.
Qalalyq PD mälımetınşe, ekı jol-kölık oqiǧasynyŋ saldarynan zardap şekkender joq.
Qazırgı uaqytta atalǧan faktı boiynşa tekseru jürgızılıp jatyr. Onyŋ qorytyndysy boiynşa jürgızuşınıŋ äreketıne qūqyqtyq baǧa berılıp, Qazaqstan Respublikasynyŋ zaŋnamasyna säikes şaralar qabyldanady.
