Qazaqstan Prezidentı Qasym-Jomart Toqaev Donald Tramppen telefon arqyly söilestı, dep habarlaidy "Adyrna" ūlttyq portaly.
Būl turaly Aqordanyŋ baspasöz qyzmetı habarlady.
Äŋgıme barysynda Memleket basşysy Donald Trampty AQŞ täuelsızdıgınıŋ 250 jyldyǧymen qūttyqtap, qysqa tarihi kezeŋ ışınde eldıŋ quatty jahandyq derjavaǧa ainalǧanyn atap öttı.
Prezident Qasym-Jomart Toqaev AQŞ äkımşılıgınıŋ ışkı saiasi baǧyty Qazaqstanda jüzege asyrylyp jatqan «Zaŋ men tärtıp» qaǧidatyna negızdelgen Ädılettı Qazaqstan qūru strategiiasymen ündes ekenın aityp, Donald Tramp jürgızıp otyrǧan saiasatqa qoldau bıldırdı.
Taraptar telefon arqyly äŋgımelesu barysynda ekıjaqty ekonomikalyq yntymaqtastyq pen saiasi özara ıs-qimyldyŋ özektı mäselelerın talqylady. Memleket basşysy byltyr qaraşa aiynda Vaşingtonǧa jasaǧan sapary kezınde qol jetkızılgen kelısımderdıŋ tabysty jüzege asyrylyp jatqanyn jetkızdı.
Sondai-aq Aqordada AQŞ senatory Stiv Deins, AQŞ prezidentınıŋ arnauly ökılı Serdjio Gor jäne Aq üidıŋ özge de joǧary lauazymdy ökılderımen, amerikalyq biznes qauymdastyǧy müşelerımen ötken kezdesulerdıŋ nätijelerı oŋ baǧalandy.
Äŋgıme soŋynda Qasym-Jomart Toqaev Donald Trampty özıne qolaily uaqytta Qazaqstanǧa resmi saparmen keluge şaqyrdy.
