Jazuşy, jurnalist Nūrtöre Jüsıp «Adyrna» ūlttyq portalynyŋ studiiasyna bergen sūhbatynda qazaq qoǧamyndaǧy tıl, ädebiet, ūlttyq qūndylyqtar, demografiia, jastar tärbiesı men eŋbek mädenietı turaly pıkır bıldırdı.
Ol eŋ aldymen qazaq qoǧamynda ortaq amandasu ülgısın qalyptastyru qajettıgın aitty. Onyŋ pıkırınşe, Qazaqstandaǧy barlyq azamattyŋ «Sälem» dep amandasudy ädetke ainaldyrǧany dūrys. Sondai-aq, ülken kısıge «Sälem» dep aituǧa qatysty qalyptasqan tüsınıkter men qazaqtyŋ töl amandasu dästürı jaiynda oi qozǧady.
Jazuşy amandasu mädenietınde gigienalyq talaptardy da eskeruge şaqyryp, mındettı türde qol alysyp, qūşaqtasyp nemese betten süiısudıŋ qajetı joq ekenın jetkızdı.
Sūhbat barysynda Nūrtöre Jüsıp qazırgı qazaq ädebietınıŋ baǧyty turaly da söz qozǧady. Onyŋ aituynşa, ädebiet tek auyl ömırın ǧana emes, qala tūrǧyndarynyŋ tynys-tırşılıgın de keŋınen qamtuy tiıs. Qalalyq ömırdıŋ ūlttyq bolmysyn qalyptastyru, körşılık mädenietın damytu jäne urbanizasiia jaǧdaiyndaǧy qazaq qoǧamynyŋ erekşelıkterın ädebiette körsetu maŋyzdy ekenın atap öttı.
Nūrtöre Jüsıp ūlttyq tärbiedegı tıldıŋ rölıne de nazar audardy. Onyŋ aituynşa, qazaq otbasylarynda balalardy «qoşaqanym», «botaqanym» dep erkeletudıŋ ornyna «docha», «synok» siiaqty bögde sözderdıŋ jiı qoldanyluy oilandyratyn mäsele.
