Almaty qalasynda «Qazaqstan Jazuşylar odaǧy» men «Kıtap oqityn ūlt – Chitaiuşaia nasiia» qoǧamdyq qory arasynda yntymaqtastyq turaly memorandumǧa qol qoiyldy.
Kelısım Memleket basşysynyŋ kıtap oqu mädenietın damytu, zerdelı ūlt qalyptastyru jäne şyǧarmaşyl, bäsekege qabılettı tūlǧa tärbieleu jönındegı bastamalaryn ıske asyruǧa jaŋa serpın berıp, jazuşy men oqyrman arasyndaǧy bailanysty nyǧaitudy közdeidı.
Memorandumǧa Qazaqstan Jazuşylar odaǧynyŋ töraǧasy Mereke Äbdeşūly Qūlkenov pen «Kıtap oqityn ūlt – Chitaiuşaia nasiia» qoǧamdyq qorynyŋ töraǧasy Baqytjan Jūmaǧaliūly Tūrlybekov qol qoidy.
Qūjat aiasynda taraptar ūlttyq ädebiettı keŋınen nasihattau, kıtap oqu mädenietın damytu, jazuşylar men oqyrmandar arasyndaǧy bailanysty nyǧaitu, ädebi-aǧartuşylyq ıs-şaralardy bırlesıp ūiymdastyru jäne jastardyŋ kıtapqa qyzyǧuşylyǧyn arttyru baǧytynda ūzaq merzımdı yntymaqtastyq ornatuǧa kelıstı.
Aldaǧy uaqytta respublika kölemınde jazuşylarmen kezdesuler, şyǧarmaşylyq keşter, şeberlık saǧattary, kıtaphanalardaǧy taǧylymdy jüzdesuler, mektepter men joǧary oqu oryndaryndaǧy ädebi kezdesuler, sondai-aq ūlttyq ädebiettı därıpteuge baǧyttalǧan bırlesken jobalar jüzege asyrylady. Būl jūmystarǧa Qazaqstan Jazuşylar odaǧynyŋ öŋırlık filialdary men ädebi qauymdastyq ökılderı de belsendı qatysady.
Qazaqstan Jazuşylar odaǧynyŋ Töraǧasy Mereke Qūlkenov:
«Ūlttyŋ ruhani deŋgeiı eŋ aldymen onyŋ kıtapqa degen közqarasymen ölşenedı. Kıtap oqityn qoǧam – oilaityn qoǧam. Sondyqtan "Kıtap oqityn ūlt" bastamasy jai ǧana joba emes, būl – eldıŋ intellektualdyq äleuetın arttyruǧa baǧyttalǧan maŋyzdy qoǧamdyq qozǧalys. Qazaqstan Jazuşylar odaǧy osy igı ıske öz qalamgerlerınıŋ şyǧarmaşylyǧy men täjıribesın jūmyldyryp, jazuşy men oqyrman arasyndaǧy altyn köpırdı odan ärı nyǧaituǧa üles qosady.»
«Kıtap oqityn ūlt – Chitaiuşaia nasiia» qoǧamdyq qorynyŋ Töraǧasy Baqytjan Tūrlybekov:
«Bızdıŋ basty maqsatymyz – kıtap oqudy kündelıktı ömırdıŋ ajyramas mädenietıne ainaldyru. Būl memorandum – sonyŋ naqty körınısı. Qazaqstan Jazuşylar odaǧynyŋ jobaǧa qosyluy arqyly bız ädebiettıŋ qoǧamdaǧy rölın küşeitıp, qalamgerler men oqyrmandardyŋ erkın sūhbat alaŋyn keŋeitemız. Är öŋırde ūiymdastyrylatyn kezdesuler men bırlesken bastamalar jastardyŋ kıtapqa qyzyǧuşylyǧyn arttyryp, ūlttyq qūndylyqtardy nasihattauǧa tyŋ mümkındık beredı.»
Memorandumǧa säikes Qazaqstan Jazuşylar odaǧy respublikalyq jobanyŋ serıktesterınıŋ bırı retınde öŋırlık filialdaryn, qalamgerlerdı, ädebiettanuşylardy jäne mädeniet qairatkerlerın joba jūmysyna tartuǧa qoldau körsetedı.
Taraptar sondai-aq respublikanyŋ barlyq öŋırınde kıtap oqu mädenietın damytuǧa, qazaq ädebietın keŋınen nasihattauǧa, jastardyŋ oquǧa qyzyǧuşylyǧyn arttyruǧa jäne qoǧamda bılım men ruhaniiat qūndylyqtaryn nyǧaituǧa baǧyttalǧan jaŋa bastamalardy jüielı türde jüzege asyratyn bolady.
Būl memorandum – ekı ūiym arasyndaǧy kezektı kelısım ǧana emes, kıtapty qoǧamnyŋ basty qūndylyqtarynyŋ bırıne ainaldyruǧa baǧyttalǧan ūzaq merzımdı serıktestıktıŋ bastauy.
