Pavlodar oblysynyŋ Aqtoǧai audanyndaǧy Jolaman auylynda ornalasqan Aqtogai Milk JŞS aumaǧynda qaiǧyly oqiǧa oryn aldy, dep habarlaidy "Adyrna".
Aldyn ala mälımetterge säikes, käsıporyn aumaǧyndaǧy kärız qūdyǧynda ornalasqan elektr sorǧysyn jöndeu kezınde alty jūmysşy köz jūmyp, taǧy bır adam türlı därejede zardap şekken.
Oblystyq jedel medisinalyq järdem stansasynyŋ habarlauynşa, oqiǧa turaly habarlama 20 şılde künı saǧat 12:01-de tüsken. Oqiǧa ornyna jetken därıgerler 1963, 1975, 1983, 1998, 2006 jäne 2009 jyly tuǧan alty er adamnyŋ oqiǧa ornynda qaza bolǧanyn tırkegen.
Al 1988 jyly tuǧan taǧy bır jūmysşy Aqtoǧai audandyq auruhanasyna jetkızıldı. Därıgerler oǧan ortaşa auyrlyqtaǧy kömırqyşqyl gazymen ulanu diagnozyn qoiǧan. Qazırgı uaqytta nauqas qajettı em qabyldap jatyr. Därıgerlerdıŋ aituynşa, onyŋ jaǧdaiy tūraqty, sondyqtan oblys ortalyǧyna jetkızu qajettılıgı joq.
Pavlodar oblystyq polisiia departamentı atalǧan oqiǧaǧa bailanysty qylmystyq ıs qozǧalǧanyn mälımdedı.
«Osy faktı boiynşa qylmystyq ıs tırkeldı. Qazaqstan Respublikasy Qylmystyq-prosestık kodeksınıŋ 201-babyna säikes tergeu müddesıne bailanysty özge aqparat jariia etılmeidı», – dep habarlady vedomstvo.
Qazırgı uaqytta oqiǧanyŋ naqty sebepterı men män-jaiyn anyqtau üşın tergeu amaldary jürgızılıp jatyr.
