Qazaqstan Respublikasynyŋ Memlekettık akademiialyq bi teatryna onyŋ negızın qalauşy, körnektı horeograf Bolat Aiuhanovtyŋ esımı berıldı. Būl şeşım Memleket basşysy Qasym-Jomart Toqaevtyŋ tapsyrmasy aiasynda qabyldandy, dep habarlaidy "Adyrna".
Bolat Aiuhanov – Qazaqstandaǧy kameralyq balet önerınıŋ qalyptasuyna ölşeusız üles qosqan horeograf. Ol 1967 jyly «Almatynyŋ jas baletı» ūjymyn qūryp, keiın būl teatrdy elımızge ǧana emes, şetelge de tanytty. Öner ūjymy Keŋes Odaǧy respublikalarynda, sondai-aq Europa men Skandinaviia elderınde gastroldık saparlarmen öner körsetıp, halyqaralyq deŋgeide moiyndaldy.
Bügınde teatr ūjymy Bolat Aiuhanov qalyptastyrǧan şyǧarmaşylyq mekteptıŋ dästürın jalǧastyryp, onyŋ mol mūrasyn därıptep keledı.
Mädeniet jäne aqparat ministrlıgınıŋ mälımetınşe, horeograftyŋ qoiylymdary ūlttyq horeografiia önerınıŋ altyn qoryna engen. Sonymen qatar ol ūzaq jyldar boiy köptegen käsıbi bişılerdı tärbielep, qazaq baletınıŋ damuyna zor üles qosty.
Ministrlık teatrǧa Bolat Aiuhanovtyŋ esımınıŋ berıluı onyŋ qazaq balet önerın damytudaǧy eleulı eŋbegıne körsetılgen qūrmet ekenın atap öttı. Būl şeşım teatrdyŋ 60-mausymynyŋ aşyluy qarsaŋynda qabyldanyp otyr.
Aita keteiık, 2027 jyly Memlekettık akademiialyq bi teatrynyŋ qūrylǧanyna 60 jyl tolady. Mereitoi qarsaŋynda teatr ūjymy klassikalyq, ūlttyq, neoklassikalyq jäne zamanaui horeografiia baǧyttaryn damytudy jalǧastyryp, ūlttyq balet mektebınıŋ üzdık dästürlerın saqtap keledı.
