Eks-deputat Nūrtöre Jüsıp qazaq qoǧamyndaǧy amandasu mädenietı turaly pıkır bıldırıp, keiıngı jyldary qalyptasqan keibır äreketterdı qazaqtyŋ töl dästürı retınde qabyldauǧa bolmaitynyn aitty.
Būl turaly ol "Adyrna" ūlttyq portalyna bergen sūhbatynda aitty.
Onyŋ aituynşa, bügıngı künı keŋ taralǧan mındettı türde qol alysu nemese betten süiıp amandasu qazaq halqynyŋ ejelgı salty emes. Äsırese äiel adamnyŋ bırınşı bolyp er adamǧa qol sozuy nemese betten süiıp amandasuy ūlttyq dästürdıŋ ajyramas bölıgı retınde qarastyrylmauy tiıs.
«Mındettı türde qol alu, sosyn mındettı türde betten şyǧu degen närseler artyq dep oilaimyn. Äiel adamnyŋ er adamǧa bırınşı bolyp qol sozuy – qazaqtyŋ būrynnan kele jatqan ädetı emes»,- dedı Nūrtöre Jüsıp.
Deputattyŋ aituynşa, bügınde er adamdardyŋ bır-bırımen betten süiıp amandasyp jatqanyn da jiı köruge bolady. Alaida mūndai äreketterdı de qazaqtyŋ dästürlı ädebımen bailanystyru dūrys emes. Onyŋ pıkırınşe, qazaq qoǧamynda amandasudyŋ öz orny, öz tärtıbı bolǧan jäne ol eŋ aldymen ädepke negızdelgen.
Nūrtöre Jüsıp dastarhan basyndaǧy qarym-qatynas mädenietıne de erekşe toqtaldy. Ol qazaq dästürınde as üstınde otyrǧan adamdardyŋ syrttan kelgen kısımen qol alysyp amandasuy bolmaǧanyn aitty. Kerısınşe, dastarhan basynda otyrǧan adamnyŋ astan tūryp, qol alysyp şyǧuy nemese barlyǧynyŋ as üstınde jappai amandasuy keiın qalyptasqan daǧdy ekenın jetkızdı.
«Jūrttyŋ dastarhan ışınde jappai qol alysqanyn öz basym qūptamaimyn. Būl – qazaqtyŋ būrynnan kele jatqan dästürı emes»,- dedı senator.
Onyŋ pıkırınşe, ūlttyq salt-dästürge qatysty mäselede keiın paida bolǧan ädetter men qazaqtyŋ töl mädenietın ajyrata bılu maŋyzdy. Amandasu mädenietı de eŋ aldymen ädepke, oryn men jaǧdaiǧa negızdeluı kerek. Sondyqtan qazırgı qoǧamda keŋ taralǧan keibır äreketterdı qazaqtyŋ ejelden kele jatqan salty retınde körsetu dūrys emes.
