AQŞ prezidentı Donald Tramp İranǧa qarsy äskeri operasiiany keŋeitudı uaqytşa keiınge qaldyrdy. Būl turaly The New York Times basylymy derekközderge sılteme jasap jazdy, dep habarlaidy "Adyrna".
Basylym mälımetınşe, 24 şıldede AQŞ prezidentı keŋesşılerımen jäne joǧary lauazymdy şeneunıktermen keŋes ötkızgen. Jiynnyŋ negızgı taqyryby – Taiau Şyǧystaǧy Patriot äue qorǧanys keşenderıne arnalǧan zymyran-tosqauyldaǧyştardyŋ jäne basqa da äue şabuylyna qarsy qorǧanys jüielerıne qajettı oq-därılerdıŋ tapşylyǧy bolǧan.
AQŞ Qaruly küşterı ştab bastyqtary bırıkken komitetınıŋ töraǧasy Den Kein auqymdy äue soqqylary AQŞ Ortalyq qolbasşylyǧyn strategiialyq maŋyzy bar äskeri qorlarsyz qaldyruy mümkın ekenın eskertken.
Derekközderdıŋ aituynşa, Tramptyŋ ainalasynda İranǧa qarsy äskeri ärekettı küşeitudı qoldaityndar az. Şeneunıkterdıŋ bırı mūndai şabuyldar İran qoǧamynyŋ būrynǧydan da bırıguıne yqpal etıp, kelıssözderdıŋ jaqyndauyna äser etpeitının aitqan.
The New York Times basylymynyŋ jazuynşa, AQŞ äkımşılıgı soǧystyŋ keŋeiuınen, İran şabuyldaryna osal Parsy şyǧanaǧyndaǧy odaqtastarymen qarym-qatynastyŋ kürdelenuınen, sondai-aq energetikalyq jäne köşı-qon daǧdarysynyŋ uşyǧuynan qauıptenıp otyr.
