اقش پرەزيدەنتى دونالد ترامپ يرانعا قارسى اسكەري وپەراتسيانى كەڭەيتۋدى ۋاقىتشا كەيىنگە قالدىردى. بۇل تۋرالى The New York Times باسىلىمى دەرەككوزدەرگە سىلتەمە جاساپ جازدى، دەپ حابارلايدى "ادىرنا".
باسىلىم مالىمەتىنشە، 24 شىلدەدە اقش پرەزيدەنتى كەڭەسشىلەرىمەن جانە جوعارى لاۋازىمدى شەنەۋنىكتەرمەن كەڭەس وتكىزگەن. جيىننىڭ نەگىزگى تاقىرىبى – تاياۋ شىعىستاعى Patriot اۋە قورعانىس كەشەندەرىنە ارنالعان زىمىران-توسقاۋىلداعىشتاردىڭ جانە باسقا دا اۋە شابۋىلىنا قارسى قورعانىس جۇيەلەرىنە قاجەتتى وق-دارىلەردىڭ تاپشىلىعى بولعان.
اقش قارۋلى كۇشتەرى شتاب باستىقتارى بىرىككەن كوميتەتىنىڭ توراعاسى دەن كەين اۋقىمدى اۋە سوققىلارى اقش ورتالىق قولباسشىلىعىن ستراتەگيالىق ماڭىزى بار اسكەري قورلارسىز قالدىرۋى مۇمكىن ەكەنىن ەسكەرتكەن.
دەرەككوزدەردىڭ ايتۋىنشا، ترامپتىڭ اينالاسىندا يرانعا قارسى اسكەري ارەكەتتى كۇشەيتۋدى قولدايتىندار از. شەنەۋنىكتەردىڭ ءبىرى مۇنداي شابۋىلدار يران قوعامىنىڭ بۇرىنعىدان دا بىرىگۋىنە ىقپال ەتىپ، كەلىسسوزدەردىڭ جاقىنداۋىنا اسەر ەتپەيتىنىن ايتقان.
The New York Times باسىلىمىنىڭ جازۋىنشا، اقش اكىمشىلىگى سوعىستىڭ كەڭەيۋىنەن، يران شابۋىلدارىنا وسال پارسى شىعاناعىنداعى وداقتاستارىمەن قارىم-قاتىناستىڭ كۇردەلەنۋىنەن، سونداي-اق ەنەرگەتيكالىق جانە كوشى-قون داعدارىسىنىڭ ۋشىعۋىنان قاۋىپتەنىپ وتىر.
