Japoniianyŋ Kiusiu aralyndaǧy Kumamoto prefekturasynda magnitudasy 7,1 bolatyn joiqyn jer sılkınısınen qaza tapqandar sany 34 adamǧa jettı, dep habarlaidy "Adyrna" tılşısı.
Japoniianyŋ tabiǧi apattarǧa den qoiu jönındegı ştabynyŋ mälımetınşe, Iаsusiro qalasyndaǧy Nippon Paper Industries zauytynda mūrjanyŋ qūlauy saldarynan segız adam köz jūmǧan. Sondai-aq Kasima qalasyndaǧy AEON Mall Kumamoto sauda ortalyǧynda qūtqaruşylar üiındı astynan ekı adamdy tapqan, olardyŋ bırı qaitys bolǧan. Osylaişa, atalǧan sauda ortalyǧyndaǧy qūrbandar sany bes adamǧa jettı.
Resmi derek boiynşa, tabiǧi apat saldarynan 66 adam türlı därejede jaraqat alǧan. Onyŋ ışınde 39 adam auyr, 5 adam ortaşa, al 22 adam jeŋıl jaraqat alǧan. Qazır Iаsusiro qalasynda qiraǧan tūrǧyn üilerdıŋ astynda qalyp qoiǧan adamdardy ızdestıru-qūtqaru jūmystary jalǧasyp jatyr.
Kumamoto prefekturasynda 415 evakuasiialyq ortalyq aşylyp, onda 10 400-den astam tūrǧyn ornalastyrylǧan. Sonymen qatar şamamen 74,8 myŋ üi auyzsusyz, al 23 myŋǧa juyq üi elektr jaryǧynsyz qalyp otyr.
Jer sılkınısınıŋ saldarynan tūrǧyn üiler, joldar men köpırlerge aitarlyqtai zaqym kelgen. Tabiǧi apattyŋ zardaptaryn joiu jūmystaryna şamamen 4,6 myŋ äskeri qyzmetker jūmyldyrylǧan.
