«Ädılet» partiiasynyŋ «Ädılettı Qazaqstan üşın» mobildı keruenı alǧaşqy toǧyz kündegı jūmysyn qorytyndylady. Keruen 1500 şaqyrymnan astam jol jürıp, Aqmola, Soltüstık Qazaqstan jäne Qostanai oblystaryndaǧy 12 audandy qamtydy.
Kezdesulerge 1350 tūrǧyn qatysyp, partiia kandidattaryna öŋırlerdegı özektı mäselelerdı jetkızdı. Kezdesuler barysynda joldardyŋ jai-küiı, sumen jäne gazben qamtu, densaulyq saqtau, nesie jüktemesı men «Auyl amanaty» baǧdarlamasyna qatysty mäseleler jiı köterıldı.
Aqmola oblysyndaǧy audan halqy köbıne halyq arasynda nesie jüktemesı köp ekenın, bıraq, keibır köpbalaly otbasylar nesie ala almaitynyn, zeinetkerlerdı äleumettık tūrǧyda qorǧau, alaiaqtyqtan saqtanu, bılım men jastardy auylda ūstap qalu jäne tūrǧyn üi kommunaldyq şaruaşylyq salasynyŋ mäselelerın qozǧaǧan.
Öŋırge barǧan deputattyqqa kandidattar Armangül Toqtamūrat, Edıl Hamza, Iýliia Kuchinskaia, Dinara Saduaqasova jäne Erqanat Mūsylmanbek tūrǧyndardyŋ sūraqtaryna jauap berıp, barlyq ūsynys pen ötınıştıŋ keiıngı jūmys üşın arnaiy jıktelıp, tırkelgenın mälımdedı.
«Bız kele sala maqsatymyz tūrǧyndardy tyŋdau ekenın aittyq. Bärımız osy öŋırlerden şyqqanbyz, būl audandarda jaqyndarymyz tūrady, sondyqtan, osy eldımekenderdıŋ taǧdyryna bei-jai qarai almaimyz», – dedı olar.
Qostanai oblysynda tūrǧyndar naqty infraqūrylymdyq jobalarǧa qatysty saualdar qoidy.
«Su tartu salasynda Troebrat auylynyŋ tūrǧyndary jobalyq smetasy daiyn su qūbyrynyŋ qūrylysyna qatysty, Pervomai auylynyŋ halqy su qūbyrlary äbden tozǧanyna qatysty sūraqtaryn qoidy. Sondai-aq, «Ūzynköl-Saryköl» arasyndaǧy oblystyq maŋyzy bar joldyŋ qūrylysy da söz boldy», - deidı partiia kandidattary.
Soltüstık Qazaqstan oblysynyŋ tūrǧyndary şekara maŋyndaǧy jūmyspen qamtu, bailanys sapasy jäne äleumettık qoldau mäselelerıne nazar audardy.
«Ädılettı Qazaqstan üşın» mobildı keruenınıŋ komandasy ärbır kezdesude sailaualdy baǧdarlamanyŋ basymdyqtaryn tanystyryp, tūrǧyndardyŋ sūraqtaryna jauap berdı. Partiia kandidattary osy aitylǧan ötınışterdıŋ bärı arnaiy tızımge enıp, jan-jaqty zerdelenetının jäne qūzyrettı organdarǧa berıletının atap öttı.
Partiianyŋ mälımetınşe, mobildı keruen jūmysyn jalǧastyrady. Jalpy respublika boiynşa alty mobildı keruen 24 şılde men 18 tamyz aralyǧynda 100 audandy aralap, kemınde 10 myŋ tūrǧynmen kezdesudı josparlap otyr.
Daiyndaǧan:
«Ädılet» partiiasynyŋ baspasöz qyzmetı.
«Ädılet» partiiasy» QB sailau qorynyŋ qarajaty esebınen tölendı.
Tapsyrys beruşı: N.T. Myŋjasarov.
