Qazaqstan qūramasy Lingvistikadan halyqaralyq olimpiadada tarihi nätije körsettı. Būl turaly Oqu-aǧartu ministrlıgı jazdy, dep habarlaidy «Adyrna» tılşısı.
Olimpiada 26 şılde men 2 tamyz aralyǧynda Rumyniianyŋ Buharest qalasynda ötken.
Qazaqstan qūramasynyŋ tört müşesı de joǧary nätije körsetıp, bır qola medal men üş Qūrmet gramotasyn ielengen.
Qola medal iegerı:
• Şyŋǧys Qarasaev - Oral qalasyndaǧy jaratylystanu-matematika baǧytyndaǧy NIS-tıŋ 12-synyp oquşysy.
Qūrmet gramotasynyŋ iegerlerı:
• Ramazan Butantaev - Maŋǧystau oblysy Aqtau qalasy boiynşa bılım bölımıne qarasty Mamandandyrylǧan IT liseiınıŋ 11-synyp oquşysy;
• Aslan Äjıbaev - Pavlodar qalasyndaǧy jaratylystanu-matematika baǧytyndaǧy NIS-tıŋ 12-synyp oquşysy;
• Kirill Turgumbaev - Qostanai oblysy Jıtıqara audany bılım bölımıne qarasty Abai atyndaǧy mektep-liseiınıŋ 11-synyp oquşysy.
Osylaişa Qazaqstan qūramasynyŋ atalǧan olimpiadaǧa qatysu tarihynda alǧaş ret komanda müşelerınıŋ barlyǧy marapatqa ie boldy.
Qūramaǧa Iаgellon universitetınıŋ studentı Ospanova Dana Erkınqyzy jetekşılık etken.
