قازاقستان قۇراماسى لينگۆيستيكادان حالىقارالىق وليمپيادادا تاريحي ناتيجە كورسەتتى. بۇل تۋرالى وقۋ-اعارتۋ مينيسترلىگى جازدى، دەپ حابارلايدى «ادىرنا» ءتىلشىسى.
وليمپيادا 26 شىلدە مەن 2 تامىز ارالىعىندا رۋمىنيانىڭ بۋحارەست قالاسىندا وتكەن.
قازاقستان قۇراماسىنىڭ ءتورت مۇشەسى دە جوعارى ناتيجە كورسەتىپ، ءبىر قولا مەدال مەن ءۇش قۇرمەت گراموتاسىن يەلەنگەن.
قولا مەدال يەگەرى:
• شىڭعىس قاراساەۆ - ورال قالاسىنداعى جاراتىلىستانۋ-ماتەماتيكا باعىتىنداعى NIS-ءتىڭ 12-سىنىپ وقۋشىسى.
قۇرمەت گراموتاسىنىڭ يەگەرلەرى:
• رامازان بۋتانتاەۆ - ماڭعىستاۋ وبلىسى اقتاۋ قالاسى بويىنشا ءبىلىم بولىمىنە قاراستى مامانداندىرىلعان IT ليتسەيىنىڭ 11-سىنىپ وقۋشىسى;
• اسلان اجىباەۆ - پاۆلودار قالاسىنداعى جاراتىلىستانۋ-ماتەماتيكا باعىتىنداعى NIS-ءتىڭ 12-سىنىپ وقۋشىسى;
• كيريلل تۋرگۋمباەۆ - قوستاناي وبلىسى جىتىقارا اۋدانى ءبىلىم بولىمىنە قاراستى اباي اتىنداعى مەكتەپ-ليتسەيىنىڭ 11-سىنىپ وقۋشىسى.
وسىلايشا قازاقستان قۇراماسىنىڭ اتالعان وليمپياداعا قاتىسۋ تاريحىندا العاش رەت كوماندا مۇشەلەرىنىڭ بارلىعى ماراپاتقا يە بولدى.
قۇراماعا ياگەللون ۋنيۆەرسيتەتىنىڭ ستۋدەنتى وسپانوۆا دانا ەركىنقىزى جەتەكشىلىك ەتكەن.
