10 tamyzda Qazaqstanda Abai künı atap ötıledı. Osy dataǧa orai Ūlttyq statistika biurosy ūly aqynnyŋ esımımen atalǧan qazaqstandyqtardyŋ sany men Abai esımıne qatysty qyzyqty statistikany jariialady, dep habarlaidy "Adyrna".
Biuro mälımetınşe, bügınde Qazaqstanda Abai esımdı 18 961 adam tūrady.
Abai esımı eŋ köp taralǧan öŋırlerdıŋ köşın Astana bastap tūr. Elordada osyndai esımdı 2 186 adam tırkelgen. Ekınşı orynda – Türkıstan oblysy, mūnda 2 008 Abai bar. Al Almaty qalasynda ūly aqynnyŋ esımın ielengen 1 740 adam tūrady.
Statistikaǧa säikes, Abai esımdı eŋ qart qazaqstandyq 1932 jyly düniege kelgen.
Al būl esım ielerınıŋ arasynda eŋ köp kezdesetın jas sanaty – 30-34 jas aralyǧy. Osy jastaǧy Abailardyŋ sany 3 267 adamdy qūraidy.
Ūly aqynnyŋ esımı keiıngı ūrpaq arasynda da sūranysyn joǧaltpaǧan. Mäselen, 2024 jyldyŋ alǧaşqy alty aiynda 91 närestege Abai esımı berılgen.
Abai esımı negızınen er adamdarǧa qoiylǧanymen, Qazaqstanda būl esımmen tırkelgen toǧyz äiel adam da bar.
Ūly aqynnyŋ esımı Qazaqstannyŋ eldı mekenderınde de keŋınen kezdesedı. Abaidyŋ qūrmetıne elımızde bır oblys, bır qala, üş audan jäne 26 auyl atalǧan.
Sonymen qatar Ūlttyq statistika biurosy Abaidyŋ azan şaqyryp qoiǧan aty – İbrahim esımınıŋ taraluyna qatysty da derek keltırdı. Qazaqstanda İbrahim, İbragim jäne İbrahim nūsqalarymen tırkelgen 37 844 adam bar.
Aita keteiık, 10 tamyz – Abai künı. Būl data ūly aqyn, aǧartuşy, kompozitor ärı qazaqtyŋ jazba ädebietınıŋ negızın qalauşy Abai Qūnanbaiūlynyŋ tuǧan künıne orai belgılengen.
