Auǧanstannyŋ bas barlau basqarmasynyŋ qyzmetkerlerı Gerat qalasynda BŪŪ missiiasynyŋ ekı qyzmetkerın ūstady. Būl turaly Afghanistan International basylymy jazdy, dep habarlaidy «Adyrna» tılşısı.
Qyzmetkerler provinsiiadaǧy äielderdıŋ ūstaluyna qatysty baiandama daiyndaǧannan keiın qamauǧa alynǧan. Öŋırde äielderge arnalǧan jaŋa talaptarǧa, sonyŋ ışınde kosmetika qoldanuǧa tyiym saluǧa bailanysty narazylyqtar örşıgen.
Talibannyŋ barlau qyzmetı missiia qyzmetkerlerın 9 tamyz künı keşke ūstaǧan. Olar būǧan deiın zardap şekken bırneşe qyzben sūhbattasyp ülgergen.
Missiia ökılderı qyzmetkerlerge qandai aiyp taǧylǧany turaly habarlanbaǧanyn jäne olarmen kezdesuge mümkındık berılmegenın mälımdedı. Aitularynşa, ūstalǧandar qazırgı uaqytta bailanysqa şyqpai otyr.
Düisenbı künı Auǧanstannyŋ ädılet ministrı Abdul Hakim Şarai halyqaralyq ūiymdardyŋ qyzmetkerlerıne adamdardyŋ kelısımınsız olardy suretke tüsıruge rūqsat etılmeitının aitqan edı. Ol mūndai oqiǧalar nazardan tys qalmaitynyn atap ötken.
