Talıban radıkaldy qozǵalysynyń ókilderi AQSh pen BUU-nan ózderiniń memlekettik quryp, bılikke kelip, saıası mehanızmderin qalyptastyryp, fýnkıonaldi ról atqaratynyn moıyndap, qara tizimnen shyǵarýdy surap, mámilege kelýge shaqyrdy. Bul jaıynda tálipterdiń ózi málimdeme jasaǵan bolatyn.
«Pentagon bizdiń Islam emıratyn men Hakkanı Sahıbtyń mınıstrler kabınetindegi tulǵalardy moıyndamaı otyr ári olardy qara tizimnen shyǵarmady. AQSh-tyń bul áreketin Doha kelisimin buzý dep bilemiz. Sondyqtan AQSh-tyń bizdiń resmı bılikti moıyndaýy ne AQSh-qa, ne bolmasa Aýǵanstanǵa zııan keltirmeıdi»,- dep málimdeme jasady Talıbannyń kóshbasshylary.
Budan keıingi Aýǵanstannyń resmı bıligi Talıban radıkaldy qozǵalysynyń qolynda bolatynyn tálipterdiń kóshbasshylary dáleldep baǵýda. Qazirgi ýaqytta Talıban radıkaldy qozǵalysyn BUU-nyń nemese álemniń kóptegen elderi resmı bılik dep moıyndaǵan joq.
Halyqaralyq qaýymdastyq qazirgi ýaqytta Talıbannyń resmı bılikke kelýi men onyń róli aldaǵy ýaqytta qandaı bolaryn da ashyp aıta almaı otyr.
Bekbolat QARJAN,
"Adyrna" ulttyq portaly
