Qazaqstandyq futbolşy Dastan Sätbaev «Chelsidıŋ» Angliia Premer-ligasynyŋ jaŋa mausymyna tırkelgen oiynşylarynyŋ qataryna qosyldy. Londondyq klubtyŋ APL saityndaǧy resmi qūramynda 18 jastaǧy şabuylşy 36-nömırmen körsetılgen, dep habarlaidy "Adyrna".
Osylaişa, Sätbaevtyŋ Angliia chempionatynyŋ resmi portalynda jeke profilı alǧaş ret paida boldy. Degenmen äzırge onyŋ paraqşasynda futbolşynyŋ fotosuretı ornalastyrylmaǧan. Al «Chelsidıŋ» resmi saitynda qazaqstandyq oiynşynyŋ profilı älı jariialanǧan joq.
APL-dıŋ jaŋa mausymy kelesı aptada bastalady. «Chelsi» alǧaşqy kezdesuın 25 tamyzǧa qaraǧan tünı «Fulhemge» qarsy ötkızedı. Būǧan deiın londondyq komanda «Real Sosedadpen» joldastyq match ötkızuı kerek.
Dastan Sätbaev 12 tamyzda 18 jasqa toldy. Osydan keiın bırqatar statistikalyq portaldar onyŋ «Chelsige» resmi türde tiesılı ekenın körsettı.
Qazaqstandyq vinger osy uaqytqa deiın klubtyŋ jeidesınde tört oiyn ötkızıp ülgergen. Ol mausym aldyndaǧy turne kezınde komanda sapynda qaralymdaǧy futbolşy retınde öner körsettı.
Sätbaev «Chelsidegı» alǧaşqy golyn debiuttık matchtarynyŋ bırınde kezdesudıŋ altynşy minutynda soqty. Būl gol qazaqstandyq janküierler arasynda ülken qyzyǧuşylyq tudyrdy.
Sonymen qatar futbolşynyŋ jaŋa mausymdy basqa klubta jalǧa ötkızuı mümkın degen aqparattar da taraǧan. BAQ mälımetınşe, Sätbaevqa fransuzdyq «Strasbur», aǧylşyndyq «Hall Siti», ispaniialyq «Rasing» jäne qazaqstandyq «Qairat» qyzyǧuşylyq tanytyp otyr.
Sätbaevtyŋ «Chelsi» sabyndaǧy alǧaşqy oiyndary Qazaqstanda ülken rezonans tuǧyzyp, jas futbolşyny eldegı eŋ köp talqylanatyn sportşylardyŋ bırıne ainaldyrdy.
