Qazaqstan Oŋtüstık Koreianyŋ şeteldık jūmys küşın zaŋdy türde tartuǧa mümkındık beretın Employment Permit System (EPS) jüiesıne resmi türde qosyldy.
Koreia Respublikasynyŋ Ükımetı būl şeşımdı 2026 jylǧy 14 tamyzda Şeteldık jūmys küşı saiasaty jönındegı komitettıŋ 49-otyrysynda qabyldady. Osylaişa, Qazaqstan Koreianyŋ E-9 jūmysqa rūqsat beru jüiesıne qatysatyn 18-şı memleket atandy, dep habarlaidy "Adyrna".
Qazaqstan azamattaryn Oŋtüstık Koreiaǧa jūmysqa tartu 2028 jyldan bastalady dep josparlanyp otyr. Oǧan deiın ekı el arasynda özara tüsınıstık turaly memorandumǧa qol qoiu, Qazaqstanda korei tılınen EPS-TOPIK testın ötkızetın arnaiy ortalyq aşu jäne bırqatar ūiymdastyru jūmystaryn aiaqtau qajet.
Qazaqstannyŋ EPS jüiesıne qosylu jönındegı kelıssözderı 2023 jyldan berı jürgızılıp keledı. 2026 jylǧy qaŋtarda Koreiadan kelgen sarapşylar delegasiiasy Qazaqstandaǧy daiyndyq deŋgeiın baǧalap, azamattardy ırıkteu, tıldık testıleu, käsıbi daǧdylardy tekseru, medisinalyq tekseru jäne eŋbek migranttaryna Koreia zaŋnamasy turaly aqparat beru mäselelerın qarastyrdy.
Sarapşylardyŋ baǧalauynşa, Qazaqstan EPS jüiesıne qatysuǧa qajettı negızgı infraqūrylym men institusionaldyq mümkındıkterge ie. Onyŋ ışınde ümıtkerlerdı aşyq ärı ädıl ırıkteuge mümkındık beretın memlekettık jäne qoǧamdyq instituttar, tıl üiretu jüiesı, medisinalyq tekseru infraqūrylymy jäne EPS ortalyǧyn ıske qosuǧa qajettı jaǧdailar bar.
EPS jüiesınıŋ basty erekşelıgı — azamattardy jūmysqa ornalastyrudyŋ resmi ärı aşyq tärtıbı. Ümıtkerler deldaldar arqyly emes, memlekettık jüie arqyly ırıkteledı. Olar korei tılınen test tapsyryp, käsıbi bılıktılıgın baǧalaudan jäne medisinalyq tekseruden ötedı.
Osyǧan bailanysty QR Eŋbek jäne halyqty äleumettık qorǧau ministrlıgı azamattarǧa alaiaq deldaldardan saq boludy eskerttı. Resmi räsımder bastalǧanǧa deiın «Koreiaǧa jūmysqa ornalastyruǧa» nemese ırıkteuden kezeksız ötkızuge uäde beretın adamdarǧa aqşa bermeu qajet.
Tırkelu merzımı, ümıtkerlerge qoiylatyn talaptar, testıleu tärtıbı jäne basqa da räsımder turaly aqparat ministrlıktıŋ resmi aqparattyq resurstarynda jariialanady.
EPS — Koreia Respublikasynyŋ şeteldık jūmys küşın rettelgen jäne zaŋdy türde tartuǧa arnalǧan memlekettık jüiesı. Qazaqstannyŋ būl jüiege qosyluy azamattarǧa belgılengen talaptar men memleketaralyq räsımder negızınde Oŋtüstık Koreiada resmi jūmys ısteuge mümkındık beredı.
Qazaqstannan bölek, EPS jüiesıne Filippin, Moŋǧoliia, Şri-Lanka, Vetnam, Tailand, İndoneziia, Päkıstan, Kambodja, Qytai, Bangladeş, Şyǧys Timor, Nepal, Mianma, Laos jäne Ortalyq Aziianyŋ Özbekstan, Qyrǧyzstan men Täjıkstany qatysady.
